નિયમ / મોબાઈલ યુઝર્સ માટે મહત્વના સમાચાર, 1 સપ્ટેમ્બરથી બદલાઈ જશે આ 4 નિયમો, જાણો શું થશે અસર

• મોબાઈલ યુઝર્સ માટે કામના સમાચાર
• 1 સપ્ટેમ્બર 2021થી 5 નિયમોમાં ફેરફાર થવાનો છે
• તેની સીધી અસર તમારા ખિસ્સા પર પડશે

નવા નિયમો અનુસાર જો તમે મોબાઇલ પર ડિઝની + હોટસ્ટારનો ઉપયોગ કરો છો તો તમારે મોંઘુ રિચાર્જ કરવું પડશે. આ સાથે, એમેઝોન, ગૂગલ, ગૂગલ ડ્રાઇવ જેવી સેવાઓના નિયમોમાં પણ ફેરફાર કરવામાં આવી રહ્યો છે. આ ફેરફારો 1 અને 15 સપ્ટેમ્બર 2021થી લાગૂ થઈ રહ્યાં છે. નિયમોમાં ફેરફાર કર્યા બાદ મોબાઈલ યુઝર્સે ઘણી સેવાઓ માટે વધુ ચૂકવણી કરવી પડશે.

ફેક કન્ટેન્ટ પ્રમોટ કરનાર એપ પર લાગશે લગામ

ગૂગલની નવી પોલિસી 1 સપ્ટેમ્બર 2021થી લાગુ કરવામાં આવી રહી છે. આ અંતર્ગત ફેક કન્ટેન્ટને પ્રોત્સાહન આપતી એપ પર 1 સપ્ટેમ્બરથી પ્રતિબંધ મૂકવામાં આવશે. ગૂગલે તેની બ્લોગ પોસ્ટમાં જણાવ્યું છે કે એપ ડેવલપર્સ દ્વારા લાંબા સમયથી ઉપયોગમાં ન લેવાતી એપ બ્લોક કરવામાં આવશે. હકીકતમાં ગૂગલ પ્લે સ્ટોરના નિયમો પહેલાં કરતા વધુ કડક બનાવવામાં આવી રહ્યાં છે. સાથે જ ગૂગલ ડ્રાઇવ યુઝર્સને 13 સપ્ટેમ્બરે નવું સિક્યોરિટી અપડેટ મળશે. આના કારણે તેનો ઉપયોગ પહેલાં કરતા વધુ સુરક્ષિત બનાવશે.

ડિઝની પ્લસ હોટસ્ટાર સબ્સ્ક્રિપ્શન મોંઘુ થશે

ભારતમાં ઓટીટી પ્લેટફોર્મ ડિઝની પ્લસ હોટસ્ટારનું સબ્સ્ક્રિપ્શન 1 સપ્ટેમ્બર, 2021થી મોંઘુ થઈ જશે. આ પછી યુઝર્સે બેઝ પ્લાન માટે 399 રૂપિયાને બદલે 499 રૂપિયા ચૂકવવા પડશે. આ રીતે યુઝર્સે 100 રૂપિયા વધુ ચૂકવવા પડશે. આ સિવાય યુઝર્સ 899 રૂપિયામાં બે ફોનમાં એપ ચલાવી શકશે. ઉપરાંત, આ સબ્સ્ક્રિપ્શન પ્લાનમાં HD ક્વોલિટી ઉપલબ્ધ છે. આ સિવાય તમે આ એપને 4 સ્ક્રીન પર 1,499 રૂપિયામાં ચલાવી શકશો.

એમેઝોન લોજિસ્ટિક્સ કોસ્ટમાં વધારો કરશે

એમેઝોન ડીઝલ અને પેટ્રોલના ભાવ વધારીને લોજિસ્ટિક્સ ખર્ચમાં વધારો કરી શકે છે. જેના કારણે 1 સપ્ટેમ્બર, 2021થી એમેઝોનથી સામાન મંગાવવાનું મોંઘુ કરશે. આવી સ્થિતિમાં 500 ગ્રામના પેકેજ માટે 58 રૂપિયા ચૂકવવા પડી શકે છે. સાથે જ રીઝનલ કોસ્ટ 36.50 રૂપિયા થશે.

છેતરપિંડી કરનારી પર્સનલ લોન એપ પર લાગશે લગામ

15 સપ્ટેમ્બર 2021થી ગૂગલ પ્લે સ્ટોર માટે નવા નિયમો લાગુ કરવામાં આવી રહ્યાં છે. આ અંતર્ગત લોન મેળવવાના નામે છેતરપિંડી કરનાર શોર્ટ પર્સનલ લોન એપ પર ભારતમાં પ્રતિબંધ મૂકવામાં આવશે. આવી 100 જેટલી એપ વિશે ફરિયાદ કરવામાં આવી હતી, ત્યારબાદ ગૂગલ દ્વારા આવી એપ માટે નવા નિયમો લાગુ કરવામાં આવ્યા છે.