કાર્યક્રમ / અમદાવાદમાં બે દિવસ ટ્રાફિકના આ 5 રૂટ બંધ રહેશે, PM મોદીના ગુજરાત પ્રવાસને પગલે CPનું જાહેરનામું

• PM મોદી આજથી બે દિવસના ગુજરાત પ્રવાસે
• સુરત, ભાવનગર, અમદાવાદના કાર્યક્રમોમાં હાજરી આપશે
• અમદાવાદમાં આજે અને આવતીકાલે ટ્રાફિકના 5 રૂટ બંધ રહેશે

PM મોદી આજે સૌ પહેલા સુરત જશે. ત્યાર બાદ ભાવનગર અને પછી સાંજના ચારેક વાગ્યે અમદાવાદ આવશે. ત્યારે અમદાવાદ પોલીસ કમિશનર સંજય શ્રીવાસ્તવે અલગ-અલગ વિસ્તારના વૈકલ્પિક રૂટને લઇને જાહેરનામું બહાર પાડ્યું છે. એટલે કે અમદાવાદમાં PM મોદીના પ્રવાસને લઇને ટ્રાફિકના 5 રૂટ બંધ રહેશે.

જાણો કયા-કયા રૂટ બંધ રહેશે?

29 સપ્ટેમ્બરના રોજ અમદાવાદમાં આજે 2 રૂટ બંધ રહેશે. શહેરના અંધજન મંડળથી હેલમેટ સર્કલનો રૂટ બંધ રહેશે. મોટેરા રોડથી કૃપા રેસિડેન્સી રોડ પણ બંધ રહેશે. જ્યારે 30મી સપ્ટેમ્બરના રોજ શહેરમાં 3 રૂટ બંધ રહેશે. 30 સપ્ટેમ્બરના રોજ સુરધારા સર્કલથી સાંઈબાબા સર્કલ થલતેજ પાસેનો રૂટ બંધ રહેશે. થલતેજ સાંઈબાબા અને હિમાલય મોલ તરફનો રૂટ બંધ રહેશે. એ સિવાય ગુરુદ્વારા સર્કલથી સંજીવની હોસ્પિટલ રોડ પણ બંધ રહેશે.

જાણો PM મોદીનો બે દિવસનો સંપૂર્ણ વિગતવાર કાર્યક્રમ

• PM મોદી આજથી બે દિવસ ગુજરાતના આંગણે
• પ્રધાનમંત્રી મોદીનું સુરતમાં સવારે 11:15 કલાકે આગમન થશે
• સુરતને વિકાસ કાર્યોની ભેટ આપશે અને જનસભાને સંબોધશે
• આજે ભાવનગરમાં રોડ-શો અને સભાનું આયોજન
• ભાવનગરમાં બપોરે 2 થી 3 વાગ્યા સુધી રોકાશે PM
• સાંજે 4 વાગે અમદાવાદ પહોંચશે PM મોદી
• અમદાવાદ પહોંચી સીધા રાજભવન જશે PM
• અમદાવાદમાં નેશનલ ગેમ્સનો પ્રારંભ કરાવશે PM મોદી
• સાંજે 7 વાગે નેશનલ ગેમ્સના કાર્યક્રમમાં આપશે હાજરી 
• રાત્રે 9 વાગે GMDC ખાતે ગરબા કાર્યક્રમમાં આપશે હાજરી 
• PM મોદી રાજભવનમાં રાત્રી રોકાણ કરશે
• 30 સપ્ટેમ્બરના રોજ સવારે વંદે ભારત એક્સપ્રેસ ટ્રેનનો કરાવશે ફ્લેગ ઓફ
• વંદે ભારત એક્સપ્રેસ ટ્રેનમાં બેસી કાલુપુર રેલવે સ્ટેશન જશે PM
• કાલુપુરથી મેટ્રો ટ્રેનના 2 રૂટની શરૂઆત કરાવશે પ્રધાનમંત્રી
• કાલુપુરથી થલતેજ અને ગ્યાસપુરથી મોટેરા રુટની શરુઆત કરાવશે
• અમદાવાદમા એઈએસ ગ્રાઉન્ડ ખાતે સભાને સંબોધશે PM 
• અમદાવાદથી રાજભવન આવશે પ્રધાનમંત્રી નરેન્દ્ર મોદી
• દાંતા જવા રવાના થશે, અહીં વિકાસ કાર્યોના ખાતમુહૂર્ત અને લોકાર્પણ કરશે 
• 30 તારીખે PM અંબાજી મંદિર દર્શન કરી નવી રેલ્વે લાઇનનું ખાતમુહૂર્ત કરશે 
• અંબાજી મંદિરે દર્શન કરી ગબ્બર ખાતે પણ દર્શન કરશે PM મોદી
• રાત્રે આબુ રોડથી અમદાવાદ એરપોર્ટ પહોંચશે
• રાત્રે અમદાવાદથી દિલ્હી જવા રવાના થશે