એક તરફ રાજ્યમાં કોરોના વાયરસે આંતક મચાવતા લૉકડાઉન જાહેર કરવામાં આવ્યું છે ત્યારે આજરોજ મોડી સાંજે કચ્છથી માઠા સમાચાર આવ્યા છે. એક જૂથ અથડામણની ઘટના બનતા 5 લોકોની ઘાતકી હત્યા થઇ હોવાનું જાણવા મળ્યું છે.
કચ્છમાં જીવલેણ જૂથ અથડામણ
રાપના હમીપરમાં જૂથ અથડામણમાં 4ની હત્યા
અન્ય એક ગંભીર રીતે ઈજાગ્રસ્ત
આ બનાવ અંગે પ્રાપ્ત થતી વિગત પ્રમાણે, કચ્છના રાપર તાલુકાના હમીરપર ગામે 2 બે સમાજના યુવકો વચ્ચે ખૂની ખેલ ખેલાયો હતો. દારૂના ધંધાની બાતમી આપવાની આપવાને લઇને આ તકરાર છેલ્લા ત્રણેક દિવસથી ચાલતી હતી અને ગત મોડી રાતે બંન્ને સમાજ વચ્ચે સમાધાન પણ થયું હતું.
ધારીયા જેવા હથિયારો સાથે ખેલાયો ખુની ખેલ
જો કે, આજરોજ ફરી એકવાર યુવાનો ધારીયા જેવા તિક્ષ્ણ હથિયારો લઇને સામસામે આવી ગયા હતા અને તકરાર ખૂની ખેલમાં પરીણમી હતી. જેમાં 5 લોકોની ઘાતકી હત્યા થતાં સમગ્ર પંથકમાં અરેરાટી ફેલાઇ જવા પામી હતી.
સમગ્ર પંથકમાં ચકચાર
આ બનાવ અંગેની જાણ થતાં જ પોલીસ કાફલો તાત્કાલિક અસરથી ઘટના સ્થળે આવી પહોંચ્યો હતો અને સ્થિતિ વધુ ન વણસે તે માટે પોલીસ બંદોબસ્ત ગોઠવી દેવાયો હતો. જો કે, આ ધીંગાણા દરમિયાન એક વ્યક્તિ ઘાયલ થતાં તેને તાત્કાલિક અસરથી નજીકના દવાખાને સારવાર અર્થે ખસેડવામાં આવ્યો હતો. જો કે, તાજેતરમાં પ્રાપ્ત થતાં અહેવાલ પ્રમાણે તે વ્યક્તિનું પણ સારવાર દરમિયાન મોત નિપજ્યું હતું.