અમદાવાદમાં જાહેરનામાના ભંગનો એક વિચિત્ર કિસ્સો સામે આવ્યો છે. નાઈટ કરફ્યૂમાં પિઝા ખાવા ગયેલા 5 લોકો સામે પોલીસ ફરિયાદ નોંધાઈ છે. આ લોકો રાતે નાઈટ કર્ફયૂ લાગી જતા પીઝા શોપમાં જ રોકાઈ ગયા હતા.
રાત્રી કર્ફ્યૂમાં જાહેરનામા ભંગનો વિચિત્ર બનાવ
કર્ફ્યૂ શરૂ થતા રાત રોકાયા ગ્રાહકો
પિત્ઝા શોપમાં રાત રોકાયા છતા નોંધાયો ગુનો
રાત્રિ કર્ફ્યૂમાં રસ્તા પર ન હોવા છતાં ગુનો નોંધાયો છે. કર્ફ્યૂ ચાલુ થતા પિત્ઝા શોપમાં રાત રોકાયા છતાં ગુનો દાખલ કરવામાં આવ્યો છે. બે મહિલાઓ સહિત 5 ગ્રાહકો શોપમાં જ રોકાઇ ગયા હતા. પિત્ઝા શોપના મેનેજરે પોલીસને જાણ કરતા મુશ્કેલીમાં મુકાયા હતા. દુકાનમાં હોવા છતાં જાહેરનામા ભંગનો ગુનો દાખલ કરાયો છે. વસ્ત્રાપુર પોલીસે ગુનો નોંધતા અનેક તર્ક વિતર્ક થયા હતા. દુકાનમાં રહેવું પણ ગુનો બને કે કેમ તે પણ મોટો સવાલ છે.
શું છે સમગ્ર મામલો?
કર્ફ્યૂના જાહેરનામાના ભંગ બદલ 5 લોકો સામે નોંધાયો ગુનો
પકવાન ચાર રસ્તા નજીક શપથ-3માં યુએસ પિત્ઝામાં ગયા હતા યુવકો
રાત્રી કર્ફ્યૂનો સમય શરૂ થતા યુએસ પિત્ઝામાં જ રોકાઈ ગયા ગ્રાહકો
મેનેજર ઉત્તમસિંહે શટર બંધ કરી 5 ગ્રાહકોને જતા રહેવા કહ્યું હતું
પાંચેય ગ્રાહકે પોલીસના ડરથી થોડીવાર રોકાવા વિનંતી કરી હતી
2 મહિલા સહિત 5 ગ્રાહકો અને મેનેજર અંદર પુરાયા હતા
અંતે ઉત્તમસિંહે યુએસ પિત્ઝાના માલિકને ફોન કર્યો હતો
યુએસ પિત્ઝાના માલિકે પોલીસને જાણ કરી હતી
5 ગ્રાહક અને મેનેજર ઉત્તમસિંહ સામે કર્ફ્યૂ ભંગનો ગુનો નોંધાયો
આકાશ ઝાલા, સની વછેટા, હર્ષ ઝાલા સામે ગુનો નોંધાયો
હિમાલી ચાવડા, ખુશ્બુ પટેલ, અને મેનેજર ઉત્તમસિંહ સામે કર્ફ્યૂ ભંગનો ગુનો