હેલ્થ / શિયાળામાં મોટાભાગના લોકો કરે છે આ 5 ભૂલો, જે પહોંચાડે છે ગંભીર નુકસાન, તમે ન કરતાં

દિવસ-રાત મોઝા પહેરી રાખવા

ઠંડીથી બચવા ઘણાં લોકો પગમાં મોઝા પહેરે જ છે. પણ કેટલાક લોકો તો રાતે સૂતી વખતે પણ મોઝા ઉતારતા નથી. તેના કારણે તમારા સ્વાસ્થ્ય પર ખરાબ અસર પડી શકે છે. હમેશાં પગ ઢાકેલાં રાખવાથી શરીરને જરૂરથી વધારે ગરમી પેદા થાય છે. જેમ કે ગભરામણ, બેચેની, ઊબકાં જેવી સમસ્યાઓ થવા લાગે છે. 

પાણી ઓછું પીવું

ગમે તે સિઝન હોય પૂરતા પ્રમાણમાં પાણી પીવું ખૂબ જ જરૂરી છે. કેટલાક લોકો મોસમ ઠંડો હોવાને કારણે પાણી બહુ ઓછું પીવે છે. આવું કરવાથી શરીરમાં ડિહાઈડ્રેશનની સમસ્યા થઈ શકે છે અને તેના કારણે શરીરમના આંતરિક અંગો બરબર કામ કરી શકતા નથી, અને પાચનમાં ગરબડી, સ્કિનમાં ડ્રાયનેસની સમસ્યા વધે છે. 

વારંવાર ક્રીમ લગાવવી

આ સિઝનમાં સ્કિન ડ્રાય થઈ જાય છે. જેથી તેની નમી જાળવી રાખવા માટે ઘણાં લોકો વારંવાર મોઈશ્ચરાઈઝર ક્રીમ લગાવો છે. પણ આવું કરાવથી સ્કિનના પોર્સ બંધ થઈ જાય છે. ક્રીમની સાથે ધૂળ, માટી અને બેક્ટેરિયા પણ સ્કિનને ચોંટે છે. જેથી સ્કિનને નુકસાન થાય છે. દિવસમાં 2-3વાર જ ક્રીમ લગાવવી.

તળેલો અને મસાલાવાળો ખોરાક ન ખાવો

આ મોસમમાં લોકો સ્નેક્સ, ગળી, ચટપટી અને મસાલેદાર વસ્તુઓ વધુ ખાવાનું પસંદ કરે છે. પણ તેનાથી સ્વાસ્થ્ય અને પેટને નુકસાન થાય છે. તેનાથી વજન અને કોલેસ્ટ્રોલ વધે છે સાથે જ હાર્ટ ડિસીઝનો ખતરો પણ વધે છે. 

આઈસ્ક્રીમ ખાવી

ઘણાં લોકોને શિયાળામાં આઈસ્ક્રીમ ખાવી ખૂબ જ પસંદ હોય છે. પણ તેની ઠંડક ગળામાં સંક્રમણ પેદા કરી શકે છે. જેના કારણે ગળામાં દુખાવો, ખાંસી, શરદી અને ગળું બેસી જવું, પેટ દર્દ જેવી સમસ્યાઓ થઈ શકે છે.