હત્યા / પાકિસ્તાનના પંજાબમાં એક જ પરિવારના 5 લોકોની ઘાતકી હત્યા, સમગ્ર પંથકમાં ખળભળાટ

• પાકમાં હિન્દૂ પરિવારના 5 સભ્યોની હત્યા
• ગળુ કાપીને પરિવારના સભ્યોની હત્યા
• પોલીસને ચાકુ, કુહાડી મળ્યા

પ્રાપ્ત થતી જાણકારી પ્રમાણે, આ પરિવારના સભ્યોની ધારદાર હથિયારથી ગળું કાપીને હત્યા કરવામાં આવી છે. આ ઘટના મુલ્તાનમાં રહીન ખાન શહેરથી 15 કિલોમીટર દૂર અબૂધાબી કોલોનીની છે. 

એક જ પરિવારના 5 સભ્યોની ઘાતકી હત્યા 

ન્યૂઝ ઇન્ટરનેશનલના રિપોર્ટ અનુસાર, પરિવારના 5 સભ્યોની લાશ સંદિગ્ધ અવસ્થામાં મળી આવી હતી. તો પોલીસને ઘટના સ્થળેથી ચાકૂ અને કુહાડી પણ મળી આવી છે.
 
રામચંદ્ર મેઘવાલ હિન્દુ હતા

સામાજીક કાર્યકર્તા બીરબલ દાસે ધ ન્યૂઝ ઇન્ટરનેશનલના હવાલાથી જણાવ્યું કે, રામચંદ્ર મેઘવાલ હિન્દુ હતા અને ઉંમર 35-36 વર્ષ આસપાસની હતી. 

ચોંકાવનારી ઘટના 

બીરબલ દાસ અનુસાર, રામચંદ્ર મેઘવાલ લાંબા સમયથી ટેલરિંગની દુકાન ચલાવતા હતા. તેઓ શાંતિપ્રિય વ્યક્તિ હતા અને ખુશહાલ જીવન જીવતા હતા. આ ઘટના ખરેખર ચોંકાવનારી છે.