5 પગ ધરાવતા ઘેટાંનો થયો જન્મ. બ્રિટનમાં જોવા મળી આ અનોખી ઘટના, લોકો ઘેટાને જોવા ઉમટ્યા
બ્રિટનની અનોખી ઘટના
5 પગ વાળા ઘેટાનો થયો જન્મ
ઘેટાને જોવા લોકોની ભીડ ઉમટી
બ્રિટનના મોરપેઠમાં અનોખો કિસ્સો સામે આવ્યો છે. સામાન્ય રીતે પશુઓને ચાર પગ હોય પરંતુ બ્રિટનના એક ફાર્મ હાઉસમાં પાંચ પગ ધરાવતા ઘેટાનો જન્મ થયો છે. આ પ્રાણીને જોવા માટે લોકોએ લાઇનો લગાવી છે. આવુ ભાગ્યેજ જોવા મળતુ હોય છે. માનવની જેમ પ્રાણીઓમાં સામાન્ય કરતા કંઇક અલગ અંગો ધરાવતા પ્રાણીઓનો જન્મ થાય છે. જો કે આવી ખોડ ધરાવતા પશુઓ લાંબુ જીવી શકતા નથી. ત્યારે 5 પગ ધરાવતા ઘેટાની તસવીર સોશિયલ મીડિયામાં વાયરલ થતા લોકો આશ્ચર્ય પામ્યા છે.
👀 Five-legged lambs are extremely rare - it is thought to only happen to one lamb in a million - and Heather says it is only the second time she has seen it in her 25 years at Whitehouse Farm https://t.co/ysquvbF24i
આ ફાર્મ હાઉસના માલિક હીથર હોર્ગાર્ડીએ જણાવ્યું હતુ કે તમે જોઇ શકો છો કે ઘેટાની ડાબી બાજુએ પાંચ પગ છે. મે લગભગ દસ વર્ષ પહેલા પાંચ પગવાળું ઘેટું જોયું હતું. જેને તેણે ક્વિન્ટો નામ આપ્યું હતું આ ઉપરાંત વધુમાં જણાવ્યુ હતું કે તે લાંબા સમયથી જીવિત અને સ્વસ્થ હતું. જો કે સર્જરી કરીને તેનો વધારાનો પગ કાઢી નાંખવામાં આવ્યો હતો. ત્યારે આ ઘેટાના જન્મને લઇને તેઓએ જણાવ્યું હતું કે જ્યાં સુધી તે સામાન્ય જીવન જીવે છે, અમે તેને રાખીશું. અમે દર મિનિટે આની દેખરેખ રાખીએ છીએ.
A one in a million five-legged lamb has been born on a Northumberland farm 🤯
તેઓએ દાવો કર્યો હતો કે આવા પાંચ પગવાળા ઘેટાં 10 લાખમાંથી 1 જન્મે છે. આવા તમામ પ્રાણીઓ આવી સમસ્યાઓ સાથે જન્મે છે, જો તેમને કોઈ સમસ્યા હોય તો તેમની સર્જરી કરવી પડે છે.
છત્તીસગઢમાં સામે આવ્યો હતો કિસ્સો
આ વર્ષની શરૂઆતમાં છત્તીસગઢના રાજનાંદગાંવમાં એક વાછરડાનો જન્મ થયો હતો, તેને ત્રણ આંખો હતી. જેને લોકો ભગવાન શિવનો અવતાર કહે છે.
ડિસેમ્બર 2021 માં, આસામના કચર જિલ્લાના ધૌલાઈ વિધાનસભા વિસ્તારના ગંગા નગર ગામમાં એક પાલતુ બકરીએ માનવ જેવા બાળકને જન્મ આપ્યો હતો. આ બાળકના બે પગ અને કાન સિવાય બાકીનું શરીર માનવ બાળકો જેવું હતું. જોકે, જન્મના અડધા કલાક બાદ બાળકનું મોત થયું હતું.