અમેરિકામાં ક્રિસમસ પરેડમાં કાર ઘુસી જવાને કારણે 5 લોકોના મોત થયા છે. સાથેજ 40 લોકો ગંભીર રીતે ઘાયલ થયા છે. જેમને સારવાર અર્થે હોસ્પિટલ ખસેડાયા છે.
ક્રિસમસ પરેડમાં કાર ઘુસી જતા 5 લોકોના મોત
40 લોકો અકસ્માતમાં ગંભીર રીતે ઘાયલ
પોલીસે કારચાલકની કરી ધરપકડ
Graphic video shows a speeding vehicle ram through participants of the Christmas parade in #Waukesha, Wisc. Few details confirmed at this point though the police said they have a person of interest they’re looking into. pic.twitter.com/zKEX1VoC2T
અમેરિકાના વિસ્કોન્સિનમાં ગત રવિવારે સાંજે લોકોએ ક્રિસમસ પરેડ કાઢી હતી જે પરેડમાં એક કાર ઘુસી ગઈ અને કારચાલકે લોકો પર કાર ફેરવી દીધી હતી. આ ઘટનામાં કુલ 5 લોકોના મોત થયા છે. સાથેજ 40 લોકો ગંભીર રીતે ઘાયલ પણ થયા છે. સાંજે સાડા ચાર વાગ્યે આ ઘટના વોકેશાના મિલ્વોકીમાં બની જ્યારે મોટી સંખ્યામાં લોકો પરેડમાં શામેલ થયા હતા.
20 થી વધુ લોકોને મારી ટક્કર
પોલીસના કહેવા પ્રમાણે એક લાલ કલરની એસયૂવી કાર ક્રિસમસ પરેડમાં ઘુસી ગઈ હતી જેમા કારચાલકે સ્ટેરિંગ પરથી કાબૂ ગુમાવ્યો હતો. તે સમયે તે કારે 20થી વધુ લોકોને ટક્કર મારી હતી જેમા બાળકો પણ શામેલ હતા. ઘટનામાં કુલ 5 લોકોના મોત થયા છે, જ્યારે ઘણા બધા લોકો ઘાયલ પણ થયા હતા. જેમને તાત્કાલીક હોસ્પિટલમાં સારવાર અર્થે ખસેડાયા અને હાલ તેઓ તેઓ હોસ્પિટલમાં સારવાર હેઠળજ છે.
23 લોકોને દાખલ કરાયા
કુલ 12 બાળકો સહિત 23 લોકોને હોસ્પિટલમાં દાખલ કર્યા હોવાનું સામે આવ્યું છે. જોકે સ્થાનિક પોલીસે આ સમગ્ર મામલે એક કારચાલક યુવકની પણ ધરપકડ કરી છે. તંત્રના કહેવા પ્રમાણે જે સમયે કારચાલકે લોકો પર કાર ચઢાવી ત્યારે તેને રોકવા માટે ફાયરિંગ કરવાની ફરજ પણ પડી હતી. ઘટાને લઈને આજે વોકેશાના મિલ્વોકીમાં સ્કૂલો બંધ રાખવામાં આવી છે સાથેજ રસ્તાઓ પણ બંધ રહેશે.
કારને રોકવા ફાયરિંગ કરાયું
ઉલ્લેખનીય છે કે કાર ભીડમાં ઘુસી ત્યારે તેણે ઘણા લોકોને કચડી નાખ્યા હતા વીડિયોમાં આપ જોઈ શકો છો કાર એકધારી સ્પીડમાં આગળ વધી રહી છે અને લોકોને કચડી રહી છે જેથી લોકોમાં અફરાતફરીનો મહોલ ફેલાયો છે સાથેજ લોકો આમથી તેમ દોડી રહ્યા છે.જેથી આ કારને રોકવા માટે અધિકારીઓને ફાયરિંગ કરવાની ફરજ પડી હતી