યુપીના બાંદામાં ભયંકર રોડ અકસ્માત થયો છે. હકીકતમાં એક પૂરપાટ ઝડપે જતીં એક્સયુવી કાર ટ્રકમાં ઘૂસી જતાં પાંચ લોકોના કરૂણ મોત થઈ ગયા છે. તો વળી એક વ્યક્તિ ગંભીર રીતે ઘાયલ પણ છે.
યુપીના બાંદામાં ભયંકર રોડ અકસ્માત
કારમાં સવાર 6 પાંચ લોકોના મોત
એકની હાલત અત્યંત ગંભીર
યુપીના બાંદામાં ભયંકર રોડ અકસ્માત થયો છે. હકીકતમાં એક પૂરપાટ ઝડપે જતીં એક્સયુવી કાર ટ્રકમાં ઘૂસી જતાં પાંચ લોકોના કરૂણ મોત થઈ ગયા છે. તો વળી એક વ્યક્તિ ગંભીર રીતે ઘાયલ પણ છે. જાણકારી અનુસાર આ કારમાં 6 લોકો સવાર હતા.
લગ્ન પ્રસંગમાં હાજરી આપવા જઈ રહ્યા હતા
આ ઘટના બાંદા શહેરના કોતવાલીના જમુનીપુરવાની પાસે થઈ છે. પ્રાપ્ત વિગતો અનુસાર જોઈએ તો, કારમાં સવાર લોકો ચિત્રકૂટના રહેવાસી છે અને તે લગ્ન પ્રસંગમાં હાજરી આપવા માટે ઉરઈ જઈ રહ્યા હતા. ત્યારે આવા સમયે તેમની કાર ટ્રકની પાછળ ઘૂસી ગઈ હતી. તો વળી આ દુર્ઘટનાની જાણ થતાં જ પોલીસે કાર સવાર તમામ લોકોને ભારે જહેમત બાદ બહાર કાઢ્યા હતાં.
ચાર લોકોના મોત, એકે રસ્તામાં દમ તોડ્યો
પોલીસના જણાવ્યા અનુસાર કારમાં સવાર છ લોકોમાંથી ચારના ઘટનાસ્થળે જ મોત થઈ ગયા હતા. તો વળી બે ઘાયલોને હોસ્પિટલમાં ભરતી કરવામાં આવ્યા હતા, પણ એકે હોસ્પિટલ પહોંચતા પહેલા જ દમ તોડી દીધો હતો. જ્યારે ગંભીર રીતે ઘાયલ વ્યક્તિને કાનપુરમાં રેફર કરવામાં આવ્યા છે.