વરિષ્ઠ નેતા ગુલામ નબી આઝાદે કોંગ્રેસમાંથી રાજીનામું આપી દીધું છે. ત્યાર બાદ હવે જમ્મુ કાશ્મીરમાંથી મોટા સમાચાર આવી રહ્યા છે. જમ્મુ કાશ્મીરમાં 5 મોટા પૂર્વ ધારાસભ્યોએ પણ કોંગ્રેસમાંથી શુક્રવારે રાજીનામા ધરી દીધા છે. આ તમામ 2014 એટલે કે, અંતિમ વિધાનસભા ચૂંટણીમાં કોંગ્રેસની ટિકિટ પરથી જીતીને ધારાસભ્ય બન્યા હતા. જીએમ સરુરી, હાઝી અબ્દુલ રાશિદ, મોહમ્મદ અમીન ભટ, ગુલઝાર અહમદ વાની અને ચૌધરી મોહમ્મદ અકરમે ગુલામ નબી આઝાદના સમર્થનમાં કોંગ્રેસમાંથી રાજીનામા આપી દીધા છે. આ 5 પૂર્વ ધારાસભ્યો અને મંત્રીઓની સાથે સાથે પૂર્વ મંત્રી આર એસ ચિબ, પૂર્વ મંત્રી જુગલ કિશાર શર્મા અને મહાસચિવ અશ્વિની હાંડાએ પણ રાજીનામા આપી દીધા છે.
J&K | GM Saroori, Haji Abdul Rashid, Mohd Amin Bhat, Gulzar Ahmad Wani and Choudhary Mohd Akram resign from the primary membership of Congress "in support of Ghulam Nabi Azad". pic.twitter.com/PciPTd3QS3
ગુલામ નબી આઝાદે શુક્રવારે કોંગ્રેસ પાર્ટી છોડી દીધી છે. તેમણે પાર્ટીના તમામ પદ અને સભ્યપદેથી રાજીનામા આપી દીધા છે. અમુક રિપોર્ટમાં દાવો કરવામાં આવ્યો છે કે, આઝાદ જમ્મુ કાશ્મીરમાં નવી પાર્ટી બનાવશે. આઝાદ કેટલાય દિવસથી પાર્ટી હાઈકમાન્ડથી નારાજ ચાલી રહ્યા હતા. આ મહિનાની 16 ઓગસ્ટે કોંગ્રેસે આઝાદને જમ્મુ કાશ્મીરમાં કેમ્પેઈન કમિટિના અધ્યક્ષ બનાવ્યા હતા. પણ અધ્યક્ષ બનાવ્યાના 2 કલાક બાદ આઝાદે પાર્ટીમાંથી રાજીનામું આપી દીધું હતું. આઝાદે કહ્યું હતું કે, આ મારુ ડિમોશન છે.
કોંગ્રેસની કમાન સંભાળવા માગતા હતા આઝાદ
73 વર્ષિય ગુલામ નબી આઝાદ પોતાના રાજકીય જીંદગીના અંતિમ પડાવ પર ફરી પ્રદેશ કોંગ્રેસ કમિટિની કમાન સંભાળવા માગતા હતા, પણ કેન્દ્રીય નેતૃત્વે તેમની જગ્યાએ 47 વર્ષિય વિકાર રસૂલ વાનીને આ જવાબદારી સોંપી દીધી હતી. વાની ગુલામ નબી આઝાદના અત્યંત નજીકના છે. તે બાનિહાલથી ધારાસભ્ય રહી ચુક્યા છે. કહેવાય છે કે, આઝાદને આ નિર્ણય યોગ્ય ન લાગ્યો એટલા માટે તેમણે કોંગ્રેસનો હાથ છોડી દીધો.