ઉત્તરાખંડના એક ગામમાં અજીબોગરીબ ઘટના બની છે. રેશિડેન્સિયલ એરિયાના એક ઘરના બાથરૂમમાં 6 ફૂટ લાંબો મગર મળી આવ્યો છે, અને આ વીડિયો સોશ્યલ મિડીયા પર ખૂબ વાયરલ થઇ રહ્યો છે. આ ઘટના સિતારગંજ નામના એક શહેરમાં બની હતી. પરિવાર સાથે વાતચીત કરતા ખબર પડી કે જ્યારે રાત્રે પરિવારના એક સદસ્યએ બાથરૂમનુ બારણુ ખોલ્યુ તો બાલ્ટી પાસે આ મગર બેસી રહ્યો હતો.
ઘરના બાથરૂમમાં ઘૂસ્યો ખતરનાક મગર
બાલ્ટી પાસે બેઠો હતો પાંચ ફૂટ લાંબો મગર
વન વિભાગે કરી આગળની કાર્યવાહી
મગરને જોઇને પરિવાર ગભરાઇ ગયો અને બૂમો પાડવા લાગ્યો. જેને કારણે આસપાસના લોકોમાં ભયનો માહોલ સર્જાયો હતો. ઘટના સ્થળે પહોંચતાં લોકોએ મગરને ભગાડી દેવાનો પ્રયાસ શરૂ કરી દીધો, પરંતુ મગર ખસ્યો નહીં. જેમ તમે આ વીડિયોમાં પણ જોઈ શકો છો કે કેવી રીતે ડોલની નજીક મગર આરામ કરી રહ્યો છે.
લોકોના પ્રયત્નો બાદ પણ મગર ત્યાંથી આગળ ન વધતા વન વિભાગનો સંપર્ક કરવામાં આવ્યો હતો. ત્યારબાદ વન વિભાગની એક ટીમ આવી જેણે મગરને આરામથી બાથરૂમમાંથી બહાર કાઢ્યો અને પછી તેને જંગલમાં છોડી દીધો. મગરનો આ વીડિયો સોશિયલ મીડિયા પર ખૂબ જ ઝડપથી બની રહ્યો છે.
આ પ્રકારની અજીબ ઘટના રોજ ક્યાંકને ક્યાંક બનતી જ રહે છે પરંતુ મહત્વની વાત એ છે કે મગરે કોઇને નુકસાન ન પહોંચાડ્યુ અને માણસોએ પણ મગરને હાનિ પહોંચાડવાના કોઇ પણ પ્રયત્ન ન કર્યા. વનવિભાગના લોકો દ્વારા આ મગરને જંગલમાં છોડી દેવામાં આવ્યો હતો.