રાજ્યમાં આજે અકસ્માતની 4 ઘટનાઓ નોંઘાઈ છે.ભરૂચ, અમદાવાદ, જેતપુર અને વલસાડમાં અકસ્માતની ઘટનાઓ સામે આવી છે...ભરૂચમાં જંબુસરના અણખી ગામે અકસ્માત સર્જાયો હતો.ટ્રકની અડફેટે બાઇકસવાર બે લોકોના મૃત્યુ થયા છે.તો અમદાવાદના બગોદરા નજીક જીપ અને ટ્રક વચ્ચે અકસ્માત સર્જાયો હતો.ટ્રક પાછળ જીપ ઘૂસી જતા દુર્ઘટના બની હતી..આ દુર્ધટનામાં 3 લોકોના ઘટનાસ્થળે જ મૃત્યુ થયા છે...જ્યારે 10થી વધુ લોકો ઈજાગ્રસ્ત થતા સારવાર માટે અમદાવાદ ખસેડાયા છે.
જેતપુરની તત્કાલ ચોકડી પાસે પણ અકસ્માત સર્જાયો હતો.પોરબંદર તરફથી પુરઝડપે આવતી કારે રોડ પર સાઈડમાં પાર્ક કરેલી કારને અડફેટે લીધી હતી.બંને કાર અકસ્માત બાદ બાજુમાં ઉભેલી ટ્રકમાં ઘુસી હતી.આ સમગ્ર ઘટનાના CCTV ફુટેજ સામે આવ્યા છે.તો વલસાડ જિલ્લાના મોટાપોંઢા ગામે પણ અકસ્માત થયો હતો.મોરખલ તરફ જતી સ્કોર્પિયો કાર નહેરમાં ખાબકી હતી.કાર ચાલકે સ્ટેરિંગ પરથી કાબુ ગુમાવતા અકસ્માતની ઘટના બની હતી.જો કે સ્થાનિકોએ જહેમત હાથધરીને કારચાલકને બચાવ્યો હતો.હાલ ગંભીર ઈજાગ્રસ્ત કારચાલકને હોસ્પિટલમાં સારવાર હેઠળ ખસેડવામાં આવ્યા છે.
તૂફાન જીપકાર અને ટ્રક વચ્ચે થયેલા અસ્કમાતમાં સહાય જાહેર
મુખ્યમંત્રી ભૂપેન્દ્ર પટેલે અરણેજ બગોદરા ધોરીમાર્ગ પર બુધવાર તા.ર૯મી ડિસેમ્બરે વ્હેલી સવારે તૂફાન જીપકાર અને ટ્રક વચ્ચે થયેલા ગમખ્વાર માર્ગ અકસ્માતમાં મૃત્યુ પામેલા ૩ વ્યક્તિઓને પ્રત્યેકને રૂ. ૪ લાખની સહાય આપવાની જાહેરાત કરી છે. ભૂપેન્દ્ર પટેલે આ માર્ગ અકસ્માતમાં જાન ગુમાવનારા વ્યક્તિઓના પરિવારજનો પ્રત્યે સંવેદના વ્યક્ત કરતાં મૃતકોના આત્માની શાંતિની પ્રાર્થના પણ કરી છે. એવો નિર્ણય પણ કર્યો છે કે આ અકસ્માતમાં ઇજાગ્રસ્ત થયેલા વ્યક્તિઓને વ્યક્તિ દિઠ રૂ. પ૦ હજારની સહાય અપાશે. આ સહાય મુખ્યમંત્રી રાહતનિધિમાંથી આપવામાં આવશે.
રાજ્યકક્ષાની અંડર-૧૯ જૂડો સ્પર્ધામાં ભાગ લઇ પરત ફરતા હતા વિદ્યાર્થીઑ
અકસ્માતનો ભોગ બનેલા અને ઇજાગ્રસ્ત થયેલાઓ વાપી ખાતે યોજાયેલી રાજ્યકક્ષાની અંડર-૧૯ જૂડો સ્પર્ધામાં ભાગ લઇ પરત ફરી રહ્યા હતા ત્યારે અરણેજ બગોદરા માર્ગ પર આ કમનસીબ દુર્ઘટના બુધવારે સવારે સર્જાઇ હતી. મુખ્યમંત્રી ભૂપેન્દ્ર પટેલ ને આ ઘટનાની જાણ થતાં જ તેમણે અમદાવાદ જિલ્લા કલેકટર,એસ.પી અને આરોગ્યના અધિકારીઓને તાત્કાલિક ઘટના સ્થળે પહોંચી ઇજાગ્રસ્ત વ્યક્તિઓની સારવાર નો પ્રબંધ કરવા સૂચના આપી હતી આ અકસ્માતમાં ઈજા પામેલા વ્યક્તિઓ ને અમદાવાદ સિવિલ હોસ્પિટલ માં સારવાર અપાઈ રહી છે