વડોદરામાં સ્વાઇન ફ્લૂનો કહેર હજી પણ યથાવત વધુ એકનું મોત

વડોદરામાં સ્વાઇન ફ્લૂનો કહેર હજી પણ યથાવત છે. સ્વાઇન ફ્લૂ બેકાબૂ બની ગયો છે. ત્યારે હવે સમા વિસ્તારમાં સ્વાઈન ફ્લૂના કારણે વધુ એક મહિલાનુ મોત થયું હોવાની ઘટના સામે આવી છે. 

આ અંગે પ્રાપ્ત થતી વિગતોનુસાર આ મહિલાની સારવાર સયાજી હોસ્પિટવમાં ચાલી રહી હતી. જ્યાં સારવાર દરમિયાન મહિલાનુ મોત થયુ છે. શહેરમાં શુક્રવારે સ્વાઈન ફ્લૂના કારણે વધુ 8 દર્દીઓના પોઝિટીવ રિપોર્ટ આવ્યો છે. અત્યાર સુધી સ્વાઈન ફ્લૂના કારણે 5 લોકોના મોત થયા છે. 

ઉલ્લેખનીય છે કે વડોદરા શહેરમાં રોગચાળાએ માથું ઊચક્યું છે. ચિકનગુનિયા ડેન્ગ્યુ સ્વાઇન ફ્લૂ અને મેલેરિયા જેવા રોગો ઘરે ઘરે ફેલાયા છે. હોસ્પિટલો અને દવાખાના દર્દીઓથી ઊભરાઇ આવ્યા છે. વડોદરામાં છેલ્લા અઠવાડિયાથી સતત વિવિધ રોગના કેસોની સંખ્યામાં વધારો થઇ રહ્યો છે. જોકે તત્ર સબ સલામતના દવા કરે કરે છે.