આફત / VIDEO : ચોમાસાએ બદલ્યું શિડ્યુઅલ, કેરળમાં રસ્તાઓ બન્યા દરિયા, વાહનો ડૂબ્યા, 5 ના મોત

• કેરળના પાંચ જિલ્લામાં ભારે વરસાદ
• કોટ્ટાયમ અને ઈડુક્કી જિલ્લામાં ભૂસ્ખલન
• પાંચ જિલ્લામાં રેડ એલર્ટ
• જતા જતા ચોમાસાએ દેખાડ્યો પરચો
• અત્યાર સુધીમાં 5 ના મોત
• સેંકડો લોકો લાપત્તા 

ભારે વરસાદને કારણે આજે કેરળના અનેક ભાગોમાં ઓછામાં ઓછા પાંચ લોકોના મોત થયા હતા. કોટ્ટાયમ અને ઇડુક્કી જિલ્લામાં ભૂસ્ખલનના અહેવાલ છે. પાંચ જિલ્લાઓમાં રેડ એલર્ટ અને સાત જિલ્લાઓમાં ઓરેન્જ એલર્ટ ચાલુ છે. એક વીડિયો સામે આવ્યો છે કે એક બસ પાણી ભરાયેલા રસ્તા પર ફસાઈ ગઈ છે, જે સવારોને તેમાંથી બહાર કાઢવાનો પ્રયાસ કરી રહી છે. આ વીડિયો ને જોતા અનુમાન લગાવી શકાય છે કે ભારે વરસાદને કારણે કેરળમાં સ્થિતિ કેવી છે.

Heavy rainfall alert in #Kerala. IMD issues red alert in 5 districts - Pathanamthitta, Kottayam, Ernakulam, Idukki and Thrissur. Orange alert in 7 districts - Thiruvananthapuram, Kollam, Alappuzha, Palakkad, Malappuram, Kozhikode and Wayanad.

Shots of flooding in Rural Kottayam. pic.twitter.com/1b04Tkec2a

— NDTV (@ndtv) October 16, 2021

રાજ્ય સરકારની વિનંતી પર સેના અને વાયુસેના રાહત કામગીરી હાથ ધરી રહી છે. હેલિકોપ્ટરસ્ટેન્ડબાય પર છે અને દક્ષિણ એર કમાન્ડ હેઠળના તમામ મથકો હાઇ એલર્ટ પર છે. સેનાએ પૂરગ્રસ્ત વિસ્તારોમાં તેના સૈનિકો તૈનાત કર્યા છે. પંગોડ લશ્કરી સ્ટેશનથી કોટ્ટાયમ જિલ્લાના કાંજીરાપલ્લી માં લગભગ ૩૦ જવાનોની સેનાની ટુકડી મોકલવામાં આવી છે.

#WATCH Waterlogged street in Kanjirappally, Kottayam district as the area continues to receive heavy rainfall

IMD has issued a Red alert in Pathanamthitta, Kottayam, Ernakulam, Idukki and Thrissur districts of Kerala pic.twitter.com/LocqwW3CfL

— ANI (@ANI) October 16, 2021

પઠાણમથિટ્ટા, કોટ્ટાયમ, એર્નાકુલમ, ઇડુક્કી, ત્રિશૂર એવા જિલ્લાઓ છે જેને રેડ એલર્ટ પર મૂકવામાં આવ્યા છે. રાજ્યના સાત જિલ્લાઓ - તિરુવનંતપુરમ, કોલ્લમ, અલાપ્પુઝા, પલક્કડ, મલપ્પુરમ, કોઝિકોડ અને વાયનાડમાં 'ઓરેન્જ એલર્ટ' જારી કરવામાં આવ્યું છે. બે જિલ્લાઓને યલો એલર્ટ પર રાખવામાં આવ્યા છે.

મુખ્યમંત્રી પિનારાઈ વિજયને જણાવ્યું હતું કે, અરબી સમુદ્ર પર લો પ્રેશર એરિયાને કારણે ભારતીય હવામાન વિભાગે રાજ્યમાં મોટા પાયે ભારે વરસાદની ચેતવણી આપી છે. વિજયને આગામી 24 કલાક દરમિયાન રાજ્યના લોકોને વધારાની સતર્કતા રાખવાની અપીલ કરી હતી અને ફેસબુક પોસ્ટમાં જણાવ્યું હતું કે દક્ષિણ અને મધ્ય જિલ્લાઓમાં વરસાદ શરૂ થઈ ચૂક્યો છે અને હવામાનની આગાહી મુજબ સાંજ સુધીમાં ઉત્તરી જિલ્લાઓમાં વરસાદ તીવ્ર બનશે.

તેમણે કહ્યું કે ભારે વરસાદથી કેટલીક નદીઓમાં પાણીનું સ્તર વધવાની સંભાવના છે અને કેટલાક બંધોના જળસ્તરમાં પણ વધારો થઈ શકે છે. તેમણે નદીઓ અને ડેમની આસપાસના વિસ્તારોમાં રહેતા લોકોને અધિકારીઓની સૂચનાઓનું પાલન કરવા તૈયાર રહેવા જણાવ્યું છે.