ભરૂચ જિલ્લામાં નેત્રંગ-મોવિ રોડ પર ફેક્ટરી પરથી છૂટીને મહિલાઓ ઘરે જઈ રહી હતી ત્યારે રસ્તામાં અકસ્માત નડ્યો જેમાં 4 મહિલા સહિત કુલ 5ના કરુણ મૃત્યુ નિપજ્યાં છે.
નેત્રંગ-મોવી રોડ કાર અને ટ્રક વચ્ચે અકસ્માત
અકસ્માતમાં કુલ 5 લોકોના મોત
અન્ય ત્રણ મહિલા કામદાર ઇજાગ્રસ્ત
સારવાર માટે રાજપીપળા ખસેડાઇ
તમામ મૃતકો બ્રિટાનિયા કંપનીના કામદારો
ભરૂચ જિલ્લાના નેત્રંગ મોવિ રોડ પર કાર અને ટ્રક વચ્ચે ગમખ્વાર અકસ્માત થયો હતો. ટક્કર બાદ કાર સીધી જ ખાઈમાં ખાબકી ગઈ હતી જેમાં 5 લોકોના કરુણ મોત થયા છે. તમામ મૃતકો બ્રિટાનિયા કંપનીના કામદારો છે, આ સિવાય ત્રણ મહિલાઓ ઇજાગ્રસ્ત થઈ હતી જેમને વધુ સારવાર માટે રાજપીપળા ખસેડવામાં આવી છે. પોલીસે આ મુદ્દે વધુ તપાસ હાથ ધરી છે.
અકસ્માત બાદ કાર ખાઇમા ખાબકી
નોંધનીય છે કે આ કામદારો ફેક્ટરીમાંથી છૂટીને કારમાં સવાર થઈને ઘરે જઈ રહ્યા હતા જે બાદ બે વાહન વચ્ચે ભીષણ ટક્કર થઈ હતી. પેસેન્જર કાર ટક્કર બાદ સીધી ખાઈમાં ખાબકી હતી.
વાપી દમણ રોડ પર આગની ઘટના
વાપી દમણ રોડ પર કુંતા ગામ પાસે ચાલુ ટેમ્પોમાં આગ લાગવાની ઘટના થઈ હતી. કેમિકલ ભરેલ ટેમ્પોમાં આગ લાગતા દોડધામ થઇ ગઇ હતી. ફાયરની ટીમે ટેમ્પોમાં લાગેલી આગ પર કાબુ મેળવ્યો હતો અને આ ઘટનામાં ટેમ્પો ચાલકનો બચાવ થયો છે. આ આગ કઇ રીતે લાગી તે અંગે જાણકારી મળી નથી.