સરકારી તેમજ ખાનગી સંગઠનોના ગઠબંધન ગ્લોબલ અલાયન્સ ફોર માસ એન્ટરપ્રેન્યોરશિપ (GAME)એ મંગળવારે કહ્યુ કે તેનો ઉદ્દેશ્ય વર્ષ 2030 સુધી 10 લાખ નવા ઉદ્યોગસાહસિક તેમજ પાંચ કરોડ રોજગારોના સર્જનમાં મદદ કરવાનું છે જેમાં મહિલાઓને પહેલી તક પૂરી પાડવામાં વિશેષ ધ્યાન આપવામાં આવશે. GAMEને ઘણા ભારતીય તેમજ વૈશ્વિક દાનકર્તાઓએ 100 કરોડ રૂપિયાથી વધારે આરંભિક કોષ પૂરો પાડવાનો વાયદો કર્યો છે.
માઈક્રોસોફ્ટ ઈન્ડિયાના પૂર્વ ચેયરમેન તેમજ GAMEના સંસ્થાપક રવિ વેન્કટેસને જણાવ્યુ કે રોજગારોનું સર્જન એક વૈશ્વિક પડકાર છે અને ભારતીય બજારના આકારને જોતા આ સમસ્યા ખુબ મોટી છે. તેઓ કહ્યુ કે તેમાં ઘણા ભાગીદારો શામેલ છે અને અન્ય કેટલાક મુદ્દાઓથી એકબીજા સાથે જોડાયેલા છે જેમાં ઈન્ફ્રાસ્ટ્રક્ચર ક્રેડિટ તથા બિઝનેશ એક્સેસબિલિટી શામેલ છે. તેનું સમાધાન એકલી સરકાર કે કોર્પોરેટ દ્વારા ન કરી શકાય તેના માટે સાથે મળીને કામ કરવાની જરૂર છે.
ઉદ્યોગસાહસિક ચળવળને પ્રોત્સાહન મળશે
વેન્કટેસને કહ્યુ કે ગઠબંધનનો ઉદ્દેશ્ય ભારતમાં વર્ષ 2030 સુધી એક વ્યાપક સાહસિક આંદોલનને પ્રોત્સાહન આપવું અને 10 લાખ નવા ઉદ્યોગસાહસિક પેદા કરવાનું છે જેમાં ઓછામાં ઓછી અડધી મગિલાઓ હોય તેમજ પાંચ કરોડ નવા રોજગારોનું સર્જન કરવાનું છે.