સજા / બનાસકાંઠામાં એક ઝાટકે ભાજપના 5 આગેવાનો પાર્ટીમાંથી સસ્પેન્ડ, જુઓ કયા કારણસર થઇ શિક્ષાત્મક કાર્યવાહી

• બનાસકાંઠામાં ભાજપના પાંચ સસ્પેન્ડ 
• બનાસબેન્કની ચૂંટણીમાં પાર્ટીની અવગણના 
• બનાસ બેન્કની રસાકસીભરી  ચૂંટણી 

પાર્ટી લાઈનને કોરાણે મૂકી,ભાજપમાં 'ઘરની ધોરાજી'ચલાવવા નીકળેલા બનાસકાંઠાનાં વધુ બે ભાજપ આગેવાનોને સસ્પેન્ડ કરી દેવામાં આવ્યા છે.બનાસ બેન્કની ચૂંટણીમાં ભાજપ પક્ષ દ્વારા બેંકની ચૂંટણી માટે ઉમેદવારોને મેન્ડેડ આપવામાં આવ્યાં હતા.આ મેન્ડેટ ને અવગણીને કેટલાક આગેવાનોએ બનાસ બેન્કના રસાકસી ભર્યા ચૂંટણી જંગમાં ઝુકાવ્યું હતું. જેમાં પાલનપુર APMCના પુર્વ ચેરમેન પરથી લોહ અને ઇશ્રર પટેલને સસ્પેન્ડ કરી દેવામાં આવ્યા છે.આ બન્ને સહીત અત્યાર સુધીમાં પક્ષ વિરોધી પ્રવૃત્તિ કરનારા 5 આગેવાનો સસ્પેન્ડ થઇ ચુક્યા છે.

ભારતીય જનતા પાટી શિસ્ત અને સંયમને વરેલી પાર્ટી છે.અહીં પાર્ટી લાઈનથી આગળ કશું જ નાં થઇ શકે.એ પાર્ટીની વિચારધારા છે.ત્યારે બનાસકાંઠાના કેટલાક આગેવાનો પાર્ટી કરતા પોતાનું કદ મોટું માનીને બનાસ બેન્કના જંગમાં ઝુકાવ્યું હતું.  ભારતીય જનતા પાર્ટીએ  પ્રદેશ કિસાન મોરચાના ઉપાધ્યક્ષ તેજા પટેલ, વડગામ માર્કેટયાર્ડ ચેરમેન કેશર ચૌધરી, દાંતીવાડા તાલુકા ભાજપ પ્રમુખ નટુ ચૌધરીને પક્ષમાંથી સસ્પેન્ડ કરી આવા  આગેવાનોને,દરવાજો દેખાડી દીધો છે.