IND vs AUS / ભારે રસાકસી બાદ ટીમ ઈન્ડિયાએ ઓસ્ટ્રેલીયાને પછાડ્યું, આ ખેલાડી બન્યા હુકમનાં એક્કા

• ઓસ્ટ્રેલિયા સામેની  T20 સીરિઝ ટીમ ઈન્ડિયાએ સીરિઝ 2-1થી જીતી લીધી
• ઓસ્ટ્રેલિયાને કારમી હારનો સામનો કરવો પડ્યો હતો
• ભારતને આ 5 મોટી વાતોને કારણે જીત મળી છે

હૈદરાબાદમાં રાજીવ ગાંધી ઇન્ટરનેશનલ સ્ટેડિયમમાં રમાયેલ T20 મેચમાં ભારતે ઓસ્ટ્રેલિયાને 6 વિકેટથી હરાવી દીધું હતું. ઑસ્ટ્રેલિયાએ પહેલા બેટિંગ કરતા 20 ઓવરમાં 7 વિકેટના નુકસાન પર 186 રન બનાવ્યા હતા. જેના જવાબમાં 187 રનના લક્ષ્યાંકનો પીછો કરવા ઉતરેલી ભારતીય ટીમે 19.5 ઓવરમાં 187 રન બનાવીને જીત મેળવી હતી.

𝐂. 𝐇. 𝐀. 𝐌. 𝐏. 𝐈. 𝐎. 𝐍. 𝐒 🏆#TeamIndia | #INDvAUS | @mastercardindia pic.twitter.com/5yk3bRnHiV

— BCCI (@BCCI) September 25, 2022

ઓસ્ટ્રેલિયા સામેની ત્રણ મેચોની T20 સીરિઝની પહેલી જ મેચ હારવા છતાં ટીમ ઈન્ડિયાએ સીરિઝ 2-1થી જીતી લીધી છે. પહેલો મેચ મોહાલીમાં હતો જ્યાં ભારતને હાર મળી હતી, પછી નાગપુરમાં 8 ઓવરની મેચમાં ટીમ ઇન્ડિયાને જીત મળી હતી અને હવે હૈદરાબાદમાં ટીમ ઇન્ડિયાએ જીત મેળવીને સીરીઝ જીતી લીધી છે. ભારતને આ 5 મોટી વાતોને કારણે જીત મળી છે અને એ કારણોને કારણે જ ઓસ્ટ્રેલિયાને કારમી હારનો સામનો કરવો પડ્યો હતો. 

From setting the stage on fire to a special pre-match tale! 🔥 😎

Men of the hour - @surya_14kumar & @akshar2026 - discuss it all after #TeamIndia's T20I series win against Australia in Hyderabad. 👍 👍- By @RajalArora

Full interview 🔽 #INDvAUS https://t.co/rfPgcGyO0H pic.twitter.com/rDWz9Zwh3h

— BCCI (@BCCI) September 26, 2022

અક્ષર પટેલની સ્થિરતા 
અક્ષર પટેલે આ T20 સીરિઝની પહેલી મેચમાં 3 વિકેટ, બીજી મેચમાં 2 વિકેટ અને ગઈકાલની ત્રીજી મેચમાં 3 વિકેટ લઈને કમાલ કરી દીધી હતી. પટેલની આ સ્થિરતાનો ફાયદો ટીમ ઈન્ડિયાને મળ્યો અને ભારતને સીરિઝ જીતવામાં મદદ કરી હતી. આવું ઘણી ઓછી વખત જોવા મળે છે કે આખી સીરિઝમાં કોઈ સ્પિનર આટલી સ્થિરતા સાથે બોલિંગ કરે છે. 

3⃣ Matches
8⃣ Wickets

For his superb bowling performance, @akshar2026 wins the Player of the Series award. 👌 👌#TeamIndia | #INDvAUS pic.twitter.com/aykOxDuIwc

— BCCI (@BCCI) September 25, 2022

6 બોલરો હોવાનો ફાયદો
એશિયા કપ 2022 માં આપણે બધા એ જોયું હતું કે ટીમ ઈન્ડિયાને છઠ્ઠા બોલરના વિકલ્પની ખોટ ખટકી રહી હતી પણ આ મેચમાં તે જોવા મળ્યું નહીં. આ વાતનો ફાયદો ટીમ ઈન્ડિયાને થયો. ભુવનેશ્વર કુમારે 3 ઓવરમાં 39 રન લૂંટાવ્યા હતા અને એટલા માટે જ તેની પાસેથી એક ઓવર ઓછી કરવામાં આવી હતી. હર્ષલે પણ માત્ર 2 ઓવર ફેંકી હતી અને પંડ્યાએ તેની ભરપાઈ કરી હતી. 

ટોપ ઓર્ડર ફેલ છતાં પણ મળી જીત 
ઘણી વખત એવું બન્યું છે મેચમાં ટીમ ઈન્ડિયાનો ટોપ ઓર્ડર નિષ્ફળ જાય છે ત્યારે ટીમ માટે જીતવું અઘરું પડી જાય છે પણ આ મેચમાં એવું ન થયું. કેએલ રાહુલ 1 રને અને રોહિત શર્મા 17 રને આઉટ થયો હતો પણ ત્રીજા નંબરના બેટ્સમેન વિરાટ કોહલી અને સૂર્યકુમાર યાદવે જીત સુનિશ્ચિત કરી હતી. 

For his breathtaking batting display in the chase, @surya_14kumar bags the Player of the Match award. 👏 👏

Scorecard ▶️ https://t.co/xVrzo737YV #TeamIndia | #INDvAUS pic.twitter.com/YrvpUyDTxt

— BCCI (@BCCI) September 25, 2022

વિરાટ-સૂર્યાની સાજેદારી 
ભારત માટે મેચ પલટવાનું કામ વિરાટ કોહલી અને સૂર્યકુમાર યાદવે કર્યું હતું. બંને વચ્ચે ત્રીજી વિકેટ માટે 104 રનની ભાગીદારી થઈ હતી. કોહલી અને સૂર્યાએ 10 રન પ્રતિ ઓવરના દરે રન બનાવ્યા હતા અને એ જ કારણે ટીમ ઈન્ડિયાએ મેચમાં વાપસી કરી હતી. એમ પણ કહી શકાય કે બંનેએ એ જ સમયે જીતનો પાયો નાખ્યો હતો.  

This one’s for all our fans, across the country and beyond 🇮🇳 ❤️ pic.twitter.com/YJoeEMkOqk

— hardik pandya (@hardikpandya7) September 25, 2022

હાર્દિકનું ફિનિશિંગ ટચ 
હાર્દિક પંડ્યા હવે ટીમ ઈન્ડિયાનો મહત્વનો હિસ્સો બની ગયો છે. હવે ટી20  ક્રિકેટમાં હાર્દિક વિનાની ટીમની કલ્પના કરવી પણ ડરામણી લાગે છે કારણ કે તે ટીમ ઈન્ડિયાનો મહત્વનો હિસ્સો બની ગયો છે. એ બોલિંગ પણ કરે છે પણ બેટિંગએ મજબૂત રીતે કરે છે. આ મેચમાં તેને 16 બોલમાં 25 રન બનાવીને મેચને ફિનિશિંગ ટચ આપ્યો હતો.