દેશમાં ઓનલાઇન વિડીયો સ્ટ્રીમિંગ એપ અને સર્વિસ ખૂબ ઝડપથી પોપ્યુલર બની રહ્યા છે. કોમસ્કોરના એક અહેવાલ મુજબ, ફેબ્રુઆરી 2019 સુધીમાં ભારતમાં ઓનલાઇન વિડીયો જોનારાની સંખ્યા લગભગ 14.4 કરોડ જેટલી હતી. તેમાં સતત વધારો થઇ રહ્યો છે. લોકોના ક્રેઝને જોતાં નેટફ્લિક્સ અને એમેઝોન પ્રાઇમ જેવી કંપનીઓ વિડીયો સ્ટ્રીમિંગ માર્કેટમાં બમ્પર રોકાણ કરી રહી છે.
જોકે આ બધી સર્વિસ પેઇડ છે. જોકે એવી પણ એપ્સ છે જેમાં તમે ફ્રીમાં વિડીયો જોઇ શકો છો.
એમએક્સ પ્લેયર બહુ પોપ્યુલર મિડીયા પ્લેયર છે. એમએક્સ પ્લેયર તમે હિન્દી મૂવીઝ, વેબ સિરીઝ અને સાઉથની હિન્દીમાં ડબ થયેલી ફિલ્મો ફ્રીમાં જોઇ શકો છો. તેમાં તમને હોલીવુડની મૂવીઝ પણ મળશે. તેની ખાસ બાબત એ છે કે તમે કોઈપણ વિડીયો ડાઉનલોડ પણ કરી શકો છો અને તમારી અનુકુળતાએ ઓફલાઇન જોઈ શકો છો.
હોટસ્ટાર એપ્લિકેશન પણ ભારતમાં ખાસ્સી પોપ્યુલર છે. ખાસ કરીને ક્રિકેટ ફેન્સ આ એપનો અચુક ઉપયોગ કરે છે. હોટસ્ટારમાં પણ તમને તમામ પ્રકારના વિડીયો, મૂવીઝ અને વેબ શ્રેણી ફ્રીમાં મળશે. ઇ-કોમર્સ કંપની ફ્લિપકાર્ટની પણ વિડિયો સ્ટ્રીમિંગ સર્વિસ છે.
ફ્લિપકાર્ટની એન્ડ્રોઇડ એપ્લિકેશન પર તમે ઘણી બોલિવૂડ, હોલીવુડ અને સાઉથની મૂવીઝ જોઈ શકો છો. ફ્લિપકાર્ટ પર તમને વેબ સિરીઝ પણ જોવા મળશે. આ બધા માટે પણ તમારે કોઇ પૈસા ચુકવવાની જરુર નથી.
વીયુ(viu) એપ પર પ્રીમિયમ અને નોન-પ્રીમિયમ કન્ટેન્ટ મળે છે. પ્રિમિયમ મેમ્બરશીપ માટે દર મહિને 99 રૂપિયા ચૂકવવા પડશે. જો તમે ઇચ્છો તો સબ્સ્ક્રિપ્શન વિના પણ તેનો ઉપયોગ કરી શકો છો.
Tubi TV એપ્લિકેશન પર ઘણી પ્રકારની મૂવીઝ ફ્રી જોઈ શકો છો, જો કે તમને હિન્દી અથવા સાઉથની મૂવીઝ જોવી ગમે છે, તો આ એપ્લિકેશન તમારા માટે નથી. આમાં તમને ફક્ત અંગ્રેજી ફિલ્મો જ મળશે.