આજે અમે તમને ઓટો એક્સપોમાં રજૂ થનારી 5 જબરદસ્ત ઇલેક્ટ્રિક કાર વિશે જણાવવા જઈ રહ્યા છીએ.
ઓટો એક્સપોમાં ઈલેક્ટ્રિક વાહનો ઘણા લોકોને આકર્ષિત કરી રહ્યા છે.
મારુતિ સુઝુકીથી લઈને ટાટા સુધી ઘણી મોટી કંપનીઓ રજૂ કરી છે ઇલેક્ટ્રિક કાર
આ છે ઓટો એક્સપોમાં રજૂ થનારી 5 જબરદસ્ત ઇલેક્ટ્રિક કાર
2023 Auto Expoની શરૂઆત થઈ ચુકી છે. 11 જાન્યુઆરીથી મીડિયા માટે આ મોટર શો શરૂ કરવામાં આવ્યો છે. ઓટો એક્સપોની 16મી આવૃત્તિમાં ઘણી મોટી બ્રાન્ડ્સે તેમના વાહનો લોન્ચ કર્યા છે. ટાટા મોટર્સથી લઈને કિઆ અને લેક્સસ જેવી કાર ઉત્પાદક કંપનીઓ હાલ મેદાનમાં જોવા મળી હતી. જણાવી દઈએ કે આ વખતના મોટર શોમાં ઈલેક્ટ્રિક વાહનો ઘણા લોકોને આકર્ષિત કરી રહ્યા છે. મારુતિ સુઝુકીથી લઈને ટાટા સુધી ઘણી મોટી કંપનીઓ એ તેમની નવી ઇલેક્ટ્રિક કાર રજૂ કરી છે. આજે અમે તમને ઓટો એક્સપોમાં રજૂ થનારી 5 જબરદસ્ત ઇલેક્ટ્રિક કાર વિશે જણાવવા જઈ રહ્યા છીએ.
2023 Tata Sierra EV debuts as a pre-production concept
Tata Sierra EV
ટાટા મોટર્સે ઓટો એક્સપોમાં તેના બીજા કોન્સેપ્ટ તરીકે Sierra EVનું નવું વર્ઝન રજૂ કર્યું છે. જણાવી દઈએ કે આ કારના પહેલા કોન્સેપ્ટની સરખામણીમાં તેમાં પાંચ દરવાજા આપવામાં આવ્યા છે અને આ સિવાય મોટી ગ્લોસ રૂફ આ SUVને વધુ આકર્ષક બનાવે છે. Tata Sierraની લેગેસીને આગળ વધારતા આ કારમાં એક ગ્લોસ વિસ્તાર આપવામાં આવ્યો છે, જે સાઈડ અને રૂફ બંનેને મોટા પ્રમાણમાં આવરી લે છે. જ્યારે આ SUV રજૂ કરવામાં આવી ત્યારે પ્રેક્ષકોમાં ઘણો ઉત્સાહ જોવા મળી રહ્યો હતો.
Tata Harrier EV
જણાવી દઈએ કે આ વખતે ટાટા મોટર્સ તેના ઈલેક્ટ્રિક વ્હીકલ પોર્ટફોલિયો પર ખૂબ જ ધ્યાન કેન્દ્રિત કર્યું છે. કંપનીએ આ શોમાં તેની હાલની SUV Harrierનું નવું ઇલેક્ટ્રિક વર્ઝન રજૂ કર્યું હતું, જેની બેટરીની ક્ષમતા લગભગ 60 kWh હશે. આ સાથે એવો દાવો કરવામાં આવી રહ્યો છે કે આ SUV લગભગ 400 થી 450 કિમીની ડ્રાઇવિંગ રેન્જ આપશે. સાથે જ કંપનીની હાલની Ziptron ટેક્નોલોજી પણ આ SUVમાં જોવા મળશે. જણાવી દઈએ કે તેનો ઉપયોગ Nexonમાં પણ થયો છે. આ SUVમાં અલગ-અલગ ડ્રાઇવિંગ મોડ્સ અને ટેરેન રિસ્પોન્સ સિસ્ટમ પણ આપવામાં આવી છે અને એરક્રાફ્ટ ઇન્સ્પાયર્ડ હેન્ડબ્રેક આપવામાં આવી છે.
MG4 EV
MG એ કાર MG4 EV શોમાં રજૂ કરી હતી. જણાવી દઈએ કે MG4 EV સિંગલ ચાર્જમાં 432km સુધી જઈ શકે છે. કંપનીએ તેને તેના નવા મોડ્યુલર સ્કેલેબલ પ્લેટફોર્મ (MSP) પર તેને વિકસાવી છે અને આવનારા સમયમાં આ પ્લેટફોર્મનો ઉપયોગ અન્ય MG વાહનોમાં પણ થઈ શકે છે. MG4 EVમાં 443 bhpની ડ્યુઅલ મોટર મળે છે જે બે 167 bhp અને 201bhp આઉટપુટ વિકલ્પોમાં આવે છે. આ કાર માત્ર 3.8 સેકન્ડમાં 0-100 કિમીની સ્પીડ પકડી શકે છે, જ્યારે તેની ટોપ સ્પીડ 160 કિમી પ્રતિ કલાક છે.
Honourable Nitin Gadkari Ji, Minister of Road Transport and Highways of India graced the Hyundai Pavilion with his presence. He met our Agile Mobile Robot Spot® and checked out the next-gen EV, Hyundai IONIQ 5.
Visit the Hyundai Pavilion in Hall 3 between Jan 13-18. pic.twitter.com/fXSC7irOFE
Hyundai Ioniq 5
Hyundai Ioniq 5 SUV ઓટો એક્સ્પો 2023ના પહેલા દિવસે એક જ સંપૂર્ણ લોડ વેરિઅન્ટમાં લોન્ચ કરવામાં આવી હતી. જણાવી દઈએ કે આ કારની કિંમત 44.95 લાખ રૂપિયા રાખવામાં આવી છે અને તેનું બુકિંગ 21 ડિસેમ્બર, 2022થી જ શરૂ થઈ ગયું છે. સાથે જ કારની બુકિંગ રકમ 1 લાખ રૂપિયા રાખવામાં આવી હતી, જે ફક્ત પહેલા 500 ગ્રાહકોને આપવામાં આવી છે. નવી Hyundai Ioniq 5 સિંગલ પાવરટ્રેન વિકલ્પ સાથે લોન્ચ કરવામાં આવી છે. આ વાહનની ઇલેક્ટ્રિક મોટર 217 bhp પાવર અને 350 Nm ટોર્ક જનરેટ કરે છે અને તેમાં 72.6 kWhની લિથિયમ-આયન બેટરી છે. Ioniq 5 કંપની દ્વારા પહેલી વખત ફ્રેન્કફર્ટ મોટર શો દરમિયાન રજૂ કરવામાં આવી હતી.
2023 Auto Expo - New Maruti EVX electric SUV - 550 kms range, 4.3 m length, 60 kWh battery pack.
Maruti eVX
ઈવેન્ટના પહેલા દિવસે દેશની સૌથી મોટી કાર નિર્માતા કંપની મારૂતિ સુઝુકીએ પોતાની પહેલી ઈલેક્ટ્રિક એસયુવી કોન્સેપ્ટ Maruti eVXને લોન્ચ કરી હતી. મારૂતિ સુઝૂકીનું કહેવું છે કે આ કારને સુઝૂકી મોટર કોર્પોરેશન દ્વારા ડિઝાઈન અને ડેવલોપ કરવામાં આવી છે. Maruti eVX ઈલેક્ટ્રિક કોન્સેપ્ટમાં કંપની 60kWhની ક્ષમતાની બેટરી પેકનો ઉપયોગ કરી રહી છે. જે સિંગલ ચાર્જમાં 550 કિમી સુધીની ડ્રાઈવિંગ રેંજ આપશે. આ કારની લંબાઈ 4,300mm, પહોળાઈ 1,800mm અને ઉંચાઈ 1,600 mm છે. આ કારને સંપૂર્ણ રીતે નવા ડેડિકેટેડ ઈલેક્ટ્રિક પ્લેટફોર્મ પર તૈયાર કરવામાં આવી છે. કંપનીનું કહેવું છે કે આ SUVને બ્રાન્ડના ઇલેક્ટ્રિક વાહનના ભવિષ્યને ધ્યાનમાં રાખીને ડિઝાઇન કરવામાં આવી છે.