અર્થતંત્ર / આર્થિક મંદીના ભણકારાની વચ્ચે સરકારને આ ક્ષેત્રે 5.40 લાખ કરોડનું નુકસાન

• BIFએ કહ્યું- 5જી સ્પેક્ટ્રમની રિઝર્વ પ્રાઇઝ અન્ય દેશોની તુલનામાં આ ચાર ગણી વધુ
• BIFએ કહ્યું- માત્ર શોર્ટ ટર્મના નાણાકીય લાભ પર ધ્યાન કેન્દ્રીત ન કરવું જોઇએ
• 2016માં સક્રિય મોબાઇલ કનેક્શનોની સંખ્યા 76.2 કરોડ હતી

BIFએ કહ્યું છે કે, 5જી સ્પેક્ટ્રમની રિઝર્વ પ્રાઇઝ ઘણી ઉંચી છે. અન્ય દેશોની તુલનામાં આ ચાર ગણી વધુ છે. તેથી તત્કાળ સંશોધન કરવાની જરૂર છે. બીઆઇએફએ એક નિવેદનમાં કહ્યું કે, ભારતમાં સ્પેક્ટ્રમની હરાજી અથવા સફળતા માત્ર એક કારક...કિંમત પર નિર્ભર કરે છે. 

એમણે કહ્યું કે 'કિંમત દ્વારા જ વધુને વધુ વેચાણ અને મહત્તમ ડાયરેક્ટ અને ઇનડાયરેક્ટ બેનિફિટ હાંસલ કરી શકાય છે. એવામાં માત્ર શોર્ટ ટર્મના નાણાકીય લાભ પર ધ્યાન કેન્દ્રીત ન કરવું જોઇએ.' ઉદ્યોગ સંગઠનનું નિવેદન ડીજીટલ સંચાર આયોગ (DCC)ની આ સપ્તાહ યોજાનારી મહત્વપૂર્ણ બેઠક પહેલા આવ્યું છે. 

આ બેઠકમાં સ્પેક્ટ્રમ હરાજીના વિભિન્ન પ્રક્રિયા અને સ્પેક્ટ્રમની કિંમતને અંતિમ રૂપ આપવામાં આવશે. 5જી સ્પેક્ટ્રમની હરાજી ચાલૂ નાણાકીય વર્ષમાં જ થવાની આશા દર્શાવાઇ રહી છે. નિવેદનમાં કહેવામાં આવ્યું છે કે, મોબાઇલ સ્પેક્ટ્રમની પ્રત્યેક નિષ્ફળ હરાજી પાછળ ઘણી બાબતો જોડાયેલી હોય છે. તેમા સ્પેક્ટ્ર્મ તો વેચાતા નથી સાથે જ તે બેકાર પડી રહે છે, જેથી કિંમતી આર્થિક લાભ ગુમાવવો પડે છે. ઓક્ટોમ્બર 2016માં થયેલ સ્પેક્ટ્રમ હરાજીમાં 1300 મેગાહર્ટઝ અથવા 59 ટકા સ્પેક્ટ્રમ વેચાયા નહોતા. 

હવે વાત કરીએ નુકશાનની તો, BIFએ કહ્યું કે 2010થી હરાજીમાં મુશ્કેલીથી 60 ટકા સ્પેક્ટ્રમનું વેચાણ થાય છે. વર્ષ 2016માં સક્રિય મોબાઇલ કનેક્શનોની સંખ્યા 76.2 કરોડ હતી. આ મોબાઇલ ઉપભોક્તાઓને લાઇસેન્સધારક કંપનીઓ દ્વારા ફાળવેલ 3800 મેગાહર્ટઝ સ્પેક્ટ્રમ દ્વારા સેવાઓ આપવામાં આવી રહી હતી. જો આ સ્પેક્ટ્રમ વેચાઇ ગયા હતો તો 27.8 કરોડ એક્સ્ટ્રા કનેક્શનોને મોબાઇલ સેવાઓ આપી શકાય તેમ હતું.