લો બોલો / પાકિસ્તાન આર્થિક રીતે ભલે પાયમાલ પરંતુ આ બાબતમાં ભારત કરતા આગળ

• મોબાઇલ ઇન્ટરનેટ સ્પીડમાં પાક. કરતા ભારત પાછળ
• ઇન્ટરનેટમાં સિંગાપોર પ્રથમ ક્રમે

ભારતમાં ઇન્ટરનેટની સ્પીડ ઓછી

દુનિયાભરના દેશોમાં ઇન્ટરનેટ સ્પીડ અંગે ઓકલા જારી કરેલા રિપોર્ટના આધારે પાકિસ્તાની મીડિયાએ આ દાવો કર્યો છે. એકલાએ. 144 દેશોની મોબાઈલ ઇન્ટરનેટ ડાઉનલોડની સ્પીડ જાહેર કરી છે અને આ યાદીમાં ભારત 130 મા ક્રમે છે, જ્યારે પાકિસ્તાનનો નંબર 116મો છે. 

ઇન્ટરનેટમાં સિંગાપોર પ્રથમ ક્રમે

પાકિસ્તાનની મોબાઇલ ઇન્ટરનેટની ડાઉનલોડ સ્પીડ 13.55 એમબીપીએસ છે. મોબાઇલ ઇન્ટરનેટમાં 97.44 એમબીપીએસની ડાઉનલોડ સ્પીડ સાથે દક્ષિણ કોરિયા ટોચ પર છે. રિપોર્ટમાં કહેવામાં આવ્યું છે કે 191.93 એમબીપીએસની સ્પીડ સાથે બ્રોડબેન્ડ ઇન્ટરનેટમાં સિંગાપોર પ્રથમ ક્રમે છે. 

કેટલાક દેશોમાં 5જી ઇન્ટરનેટ કરી રહ્યા છે શરૂ

ઓસ્ટ્રેલિયા.3 63.34 એમબીપીએસ સાથે બીજા અને કતાર 61.27 એમબીપીએસ સાથે ત્રીજા ક્રમે છે.અત્રે ઉલ્લ્ખનીય છે કે દુનિયાના કેટલાક દેશોમાં 5જી ઇન્ટરનેટ શરુ થઇ રહ્યું છે.કેટલીક ટોચની મોબાઇલ કંપનીઓ 5જી સાથેના મોબાઇલ પણ લોન્ચ કરી રહ્યા છે. 

ભારતમાં ઇન્ટરનેટ યુઝર્સની સંખ્યા કરોડોમાં છે અને તેમાં દરરોજ વધારો થઇ રહ્યો છે.ભારતમાં મોબાઇલ ડેટાના દરો ઘણાબધા દેશો કરતાં ઘણાં ઓછા છે.તેમ છતાં ઇન્ટરનેટ સ્પીડના મામલે ભારત હજુ અનેક વિકાસશીલ અને ટેકનોલોજીમાં પાછળ એવા દેશો કરતાં પણ પાછળ છે.