ન્યુ નોર્મલ / લગભગ દોઢ વર્ષના અંતરાલ પછી ભારતના આ રાજ્યમાં 4G સેવા ફરીથી શરૂ કરાઇ, નેતાએ કહ્યું મુબારક!

• કાશ્મીરમાં 4જી ઇન્ટરનેટ સેવા શરૂ કરાઇ 
• ઓમાર અબ્દુલ્લાએ કહ્યું 4G Mubarak! 
• લગભગ દોઢ વર્ષના અંતરાલ પછી શરૂ થઈ સેવા 

લગભગ દોઢ વર્ષ પછી જમ્મુ-કાશ્મીરમાં 4જી ઇન્ટરનેટ સેવા ફરી શરૂ કરવામાં આવી છે. આ અંગે જમ્મુ-કાશ્મીરના મુખ્ય સચિવ રોહિત કંસલે માહિતી આપી હતી. મહત્વનું છે કે પરિક્ષાઓને ધ્યાનમાં રાખીને, લોકો 4જી સેવા ફરીથી ચાલુ કરવાની માંગણી કરી રહ્યા હતા. ગયા વર્ષે, ટ્રાયલ આધારે ઓછા સંવેદનશીલ વિસ્તારોમાં 4 જી સેવા પુન:સ્થાપિત કરવામાં આવી હતી. 

4G mobile internet services being restored in entire J&K: Rohit Kansal, J&K Principal Secretary (Power & Information). pic.twitter.com/8dIWkbL1JK

— ANI (@ANI) February 5, 2021

હવે સરકારના નિર્ણય બાદ સમગ્ર રાજ્યના લોકો 4જી સેવાનો આનંદ માણી શકે છે. 6 મે 2020 ના રોજ, હિઝબુલ કમાન્ડર રિયાઝ નાયકુની હત્યા બાદ 2જી ઇન્ટરનેટ સેવા પણ બંધ કરી દેવામાં આવી હતી. જો કે, તે એન્કાઉન્ટરના એક અઠવાડિયા પછી, પુલવામામાં ઇન્ટરનેટ સેવા પુન:સ્થાપિત કરી દેવામાં આવી હતી. 

લોકોની પરેશાનીને લઈને લેવાયો નિર્ણય 

મહત્વનું છે કે રાજ્યમાં 4 જી સેવાને લઈને સુપ્રીમ કોર્ટમાં એક અરજી પણ કરવામાં આવી હતી. અદાલતમાં રચાયેલી વિશેષ સમિતિએ કહ્યું હતું કે જમ્મુ-કાશ્મીરમાં હજી પણ ખતરો છે. મોટી વાત એ છે કે ઇન્ટરનેટ પરના પ્રતિબંધોને લીધે, શિક્ષણની બાબતમાં કોઈ વિક્ષેપ નથી પડી રહયો. હાલના સમયમાં, હાઇ સ્પીડ ઇન્ટરનેટ સેવા પ્રદાન કરવી તે તર્કસંગત નહીં બને.

આ પ્રતિબંધ 5 ઓગસ્ટ 2019 ના રોજ લાદવામાં આવ્યો હતો

જમ્મુ કાશ્મીરમાંથી કલમ 370 હટાવ્યા બાદ 5 ઓગસ્ટ, 2019 થી ઇન્ટરનેટ સેવા બંધ કરી દેવામાં આવી હતી. ગયા વર્ષે 25 જાન્યુઆરીએ 2 જી સેવા પુન:સ્થાપિત કરવામાં આવી હતી. લોકોની માંગણી જોયા પછી અને પરિસ્થિતિઓ નોર્મલ ફર્યા પછી, દરેક હવે 4 જી ઇન્ટરનેટ સેવાનો લાભ મેળવી શકશે.

4G Mubarak! For the first time since Aug 2019 all of J&K will have 4G mobile data. Better late than never.

— Omar Abdullah (@OmarAbdullah) February 5, 2021

ઓમર અબ્દુલ્લાએ કહ્યું - '4જી મુબારક

જમ્મુ-કાશ્મીરમાં દોઢ વર્ષ પછી 4જી ઇન્ટરનેટ સેવા ફરી શરૂ થયા બાદ ઓમર અબ્દુલ્લાએ પણ ટ્વિટ કરીને કાશ્મીરના લોકોને અભિનંદન આપ્યા હતા. તેણે લખ્યું, 'હેપી 4 જી! 5  ઓગસ્ટ 2019 પછી પહેલીવાર, સંપૂર્ણ જમ્મુ-કાશ્મીરમાં 4 જી ઇન્ટરનેટ ડેટા મળી રહ્યો છે. દેર આયે દુરસ્ત આયે'