આમંત્રણ / G-7નો સભ્ય નથી ભારત, છતા આ મોટા મંચ પર PM મોદીને કેમ મળ્યું આમંત્રણ?

જોકે, વૈશ્વિક પટલ પર ભારતની વધતી તાકાતની અસર છે કે આ સમ્મેલનમાં ભારતને વિશેષ તરીકે આમંત્રિત કરાયું છે. વડાપ્રધાન નરેન્દ્ર મોદી થોડી વારમાં જ આ બેઠકમાં ભાગ લેવા ફ્રાન્સના બિઆરિટ્ઝ શહેરમાં પહોંચી રહ્યા છે. 

જી-7 માં કેનાડા, ફ્રા્ન્સ, જર્મની, ઇટલી, જાપાન, બ્રિટેન અને અમેરિકાને સભ્ય દેશ છે. 1977થી આ સમ્મેલનમાં યૂરોપિયન યૂનિયન પણ સામેલ થતું રહે છે. 

સુંદર શહેર છે બિઆરિટ્ઝ

આ વખતે ફ્રાન્સના સમુદ્રી કિનારે સ્થિત સુંદર શહેર બિઆરિટ્ઝમાં જી-7  સમ્મેલન યોજાઇ રહ્યું છે. ફ્રાન્સના રાષ્ટ્રપતિ ઇમેન્યૂએલ મેક્રોએ આ વખતે સમ્મેલનમાં સભ્ય દેશો ઉપરાંત એ દેશોને ખાસ આમંત્રણ આપ્યું છે જે વર્લ્ડ પોલિટિક્સમાં મજબૂત હોય છે. આ લીસ્ટમાં ભારતનું નામ સૌથી ઉપર છે. ભારત ઉપરાંત, ઓસ્ટ્રેલિયા, સ્પેન, દ.આફ્રીકાને પણ આ વખતે વિશેષ રૂપે આમંત્રિત કરાયા છે. આફ્રીકી દેશ સેનેગલ અને રવાન્ડાને પણ ખાસ આમંત્રિત કરાયા છે. 

ભારતને ખાસ આમંત્રણ

વિદેશ મંત્રાલયે કહ્યું કે જી-7માં ભારતને આમંત્રણ દુનિયામાં એક મોટી આર્થિક શક્તિના રૂપે ભારતની ઓળખ અને ફ્રાન્સના રાષ્ટ્રપતિની સાથે ભારતના વડાપ્રધાનની પર્સનલ કેમિસ્ટ્રીનો પૂરાવો છે. આ સમ્મેલનમાં વડાપ્રધાન વાતાવરણ, જળવાયુ, સમુદ્રી સુરક્ષા અને ડીજીટલ ટ્રાન્સફોર્મેશન પર સેશનને સંબોધિત કરશે.

નોંધનીય છે કે ફ્રાન્સના રાષ્ટ્રપતિ ઇમેન્યૂએલ મેક્રો જી-7ના અધ્યક્ષ છે. અધ્યક્ષ હોવાને કારણે એમને બિન સભ્ય દેશોને આ સમ્મેલનમાં આમંત્રિત કરવાનો અધિકાર છે. જી-7ની અધ્યક્ષતા સભ્ય દેશ કરે છે. દરેક સભ્ય દેશ એક પછી એક જી-7ની અધ્યક્ષતા કરે છે. ત્રણ દિવસ પહેલા જ વડાપ્રધાન નરેન્દ્ર મોદીએ ફ્રાન્સની મુલાકાત લીધી હતી. અહીં રાષ્ટ્રપ્રમુખ ઇમેન્યૂએલ મૈક્રો સાથે તેમની કેમિસ્ટ્રી મીડિયામાં ચર્ચા જગાવી હતી. 

કાશ્મીર પર થઇ શકે ચર્ચા 

ભારત માટે આ વખતે જી-7 બેઠક એટલા માટે મહત્વપૂર્ણ છે કે વડાપ્રધાન મોદી કાશ્મીર મુદ્દા પર ડોનાલ્ડ ટ્રમ્પ સાથે વાત કરી શકે છે. કેટલાક દિવસો પહેલા ટ્રમ્પે કહ્યું હતું કે તે કાશ્મીર મુદ્દા પર પીએમ મોદી સાથે ચર્ચા કરવા ઇચ્છશે. અમેરિકા સાથે દ્વિપક્ષીય વ્યાપાર, ટેરિફ પર ચર્ચા પણ થઇ શકે છે.