ચિંતાજનક / આજે ફરી દેશમાં આવ્યા 45 હજાર નવા કેસ, આ રાજ્ય વધારી રહ્યું છે ત્રીજી લહેરની શક્યતા

• 24 કલાકમાં 45, 083 નવા કેસ નોંધાયા
• એક્ટિવ કેસની સંખ્યા સતત ચિંતા વધારી રહી છે
•  કોરોનાના કુલ 3 લાખ 68 હજાર એક્ટિવ દર્દી

24 કલાકમાં 45, 083 નવા કેસ નોંધાયા

દેશમાં ગત 24 કલાકમાં 45, 083 નવા કેસ નોંધાયા છે. જે પાછલા દિવસની સરખામણીએ 3.1 ટકા ઓછા છે. જો કે એક્ટિવ કેસની સંખ્યા સતત ચિંતા વધારી રહી છે. કેરળમાં કોરોનાના વધતા એક્ટિવ કેસ અને મોતની સંખ્યા મોટી ભાગીદારી ધરાવે છે.

કોરોનાના કુલ 3 લાખ 68 હજાર એક્ટિવ દર્દી

સ્વાસ્થ્ય મંત્રાલયના તાજા આંકડા મુજબ દેશમાં હાલમાં કોરોનાના કુલ 3 લાખ 68 હજાર એક્ટિવ દર્દી છે. જે અત્યાર સુધી નોંધાયેલા કુલ મામલાના 1.13 ટકા છે. રિકવરી રેટમાં સામાન્ય ઘટાડો નોંધાયો છે અને આ તમામ 97.53 ટકા છે. ગત 24 કલાકમાં કોરોનાના 35 હજાર 840 દર્દી સાજા થયા છે. અત્યાર સુધીમાં કોરોનાના કુલ 3 કરોડ 18 લાખ 88 હજાર 642 દર્દી સાજા થઈ ચૂક્યા છે.

કેરળએ ત્રીજી લહેરની ચિંતા વધારી છે

કેરળમાં સતત ચૌથા દિવસે શનિવારે કોરોનાની 30 હજારથી વધારે મામલા સામે આવ્યા. જે બાદ કુલ મામલા વધીને 39,77,572 થયા છે. આ સાથે સંક્રમણ દર ઘટીને 18.67 ટકા થઈ ગયો છે જે 27 ઓગસ્ટે 19.22 ટકા હતો.   સીએમ પિનરઈ વિજયને જણાવ્યું કે અહીં આજે31, 265 પોઝિટિવ કેસ આવ્યા છે. ત્યારે એક દિવસમાં 153 લોકોના કોરોનાના કારણે મૃત્યુ થયા છે. જે બાદ મૃતકોની સંખ્યા 20,466 પર પહોંચી ગઈ છે.

સંક્રમણ દર સતત 65 દિવસથી 3 ટકાની નીચે 

અઠવાડિયામાં સંક્રમણ દર સતત 65 દિવસથી 3 ટકાની નીચે છે. ત્યારે દૈનિક સંક્રમણ દર પણ 2.57 ટકા પર છે અને આ ગત 34 દિવસોથી 3 ટકાથી નીચે આવી રહ્યો છે.   રસીકરણમાં રેકોર્ડ બનાવ્યા બાદ દેશમાં અત્યાર સુધીમાં કોરોનાની રસીના 63.09 કરોડ ડોઝ અપાઈ ચૂક્યા છે. અત્યાર સુધીમાં કોરોનાના કુલ 51.86 કરોડ સેમ્પલની તપાસ થઈ છે.