બેનામી નાણા / દિલ્હીથી ગુજરાત આવતા 2 શખ્સ કરોડોની રોકડ સાથે રાજસ્થાનમાં ઝડપાયા, રકમ જાણીને આંખો ફાટી જશે

• જરાત બોર્ડર પાસેથી બિનહિસાબી રોકડ ઝડપી
• આશરે રૂ.4.5 કરોડ રોકડ રકમ રાજસ્થાન પોલીસે ઝડપી
• રતનપુર ચોકી પાસેથી કાર માંથી કરોડોની રકમ કબ્જે લેવાઈ

દિલ્હીથી ગુજરાત તરફ આવતી એક કારમાંથી રાજસ્થાન પોલીસે આશરે 4.5 કરોડ રૂપિયાની રોકડ રકમ ઝડપી પાડી છે. બે શખ્સો દિલ્હીની નંબરપ્લેટવાળી કારને લઈ ગુજરાત તરફ આવી રહ્યા હતા. કોઈને અંદાજો પણ હશે નહીં કે, તેઓ આ કારમાં કેટલા કરોડ રૂપિયા લઈને જઈ રહ્યા છે. આમ તો આ બંને શખ્સને ગુજરાતમાં આવવાનું હતું. પરંતુ દિલ્હીથી ગુજરાત વચ્ચે રાજસ્થાન પોલીસે જ પર્દાફાશ કરી નાખ્યો છે. 

ગુજરાત નજીક રતનપુર પોલીસ ચોરી પર થયો પર્દાફાશ

દિલ્હીની નંબર પ્લેટવાળી ગાડી જ્યારે રાજસ્થાનની રતનપુર ચોકી પર પહોંચી તો, પોલીસે ડ્રાઈવરની પૂછપરછ કરી હતી. રાજસ્થાન પોલીસે જણાવ્યું કે, ડ્રાઈવરની પૂછપરછમાં સંતોષકારક જવાબ મળ્યો ન હતો. અને તેમની ગાડીના આગળના ભાગને જોઈને શંકા થઈ રહી હતી. પોલીસે તેમને નીચે ઉતારી ગાડીની તપાસ કરી હતી. થોડીવારની તપાસમાં જે જોવા મળ્યું. તે જોઈને હાજર તમામ પોલીસકર્મીઓ ચોંકી ગયા હતા. ગાડીના ગેયર બોક્સ પાસે એક ચોરખાનાની જગ્યા બનાવી તેમાં 500 રૂપિયાના બંડલ છૂપાવવામાં આવ્યા હતા.

4.5 કરોડ રૂપિયાની રકમ જોઈને સૌ કોઈ ચોંકી ગયું

પોલીસે કારમાં તપાસ કરતા તેમને રોકડ રૂપિયા તો મળી ગયા. પરંતુ એક પછી એક પોલીસ 500 રૂપિયાની નોટોના બંડલ કાઢતી કાઢતી થાકી ગઈ હતી. આશરે 4.5 કરોડ રૂપિયા રોકડા તો તમામ પોલીસે પહેલી વખત જોયા હશે. અને બાદમાં તેની ગણતરી કરવા માટે મશિન પણ લાવવા પડ્યા હતા. જે બાદ કુલ રકમ કેટલી છે. તે ખબર પડી હતી. 

કોણ છે આ બંને શખ્સ અને ગુજરાતમાં કોના રૂપિયા લઈને આવી રહ્યા હતા

જોવામાં આવે તો, આ રૂપિયા ગુજરાતમાં આવવાના હતા. પરંતુ વચ્ચે રાજસ્થાનની જાણીતી રતનપુર ચોકીઓના પોલીસકર્મીઓની સઘન ચેકિંગમાં સમગ્ર કૌભાંડનો પર્દાફાશ થયો છે. મહત્વનું છે કે, રતનપુર પોલીસ ચોકીએ ગુજરાત આવતા મોટાભાગના વાહનોનું ચેકિંગ થતું જ હોય છે.