અરબાબ ખેબર પખ્તુનખ્વા જિલ્લાના મરદાનનો રહેવાસી છે. તે કહે છે, 'મારા પિતા ઇચ્છે છે કે હું લગ્ન કરી લઉ. તેઓ પોતાના માટે પૌત્રો ઇચ્છે છે, પરંતુ મને હજી સુધી યોગ્ય છોકરી મળી નથી. છેલ્લા સાત વર્ષથી હું મારા પ્રેમની શોધ કરી રહ્યો છું. આ સમય દરમિયાન, મેં 200-300 છોકરીઓ જોઇ છે, પરંતુ તે બધી સરેરાશ વજનની હતી. '
પાકિસ્તાની હલ્કની અનોખી માગ
100 કિલોની યુવતી સાથે કરવા છે લગ્ન
દરરોજ ખાય છે 36 ઇંડા
અરબાબના પરિવારની શરત એ છે કે દુલ્હનની લંબાઈ છ ફુટ ચાર ઇંચ હોવી જોઈએ, કારણ કે અરબની લંબાઈ છ ફૂટ છ ઇંચ છે. આ સિવાય છોકરીને પણ વ્યવસ્થિત ખોરાક રાંધતા આવડવું જોઈએ. આપને જણાવી દઇએ કે,અરબાબ દરરોજની ડાયટ 10 હજાર કેલરી છે. તે દરરોજ નાસ્તામાં 36 ઇંડા ખાય છે. આ સિવાય તે દરરોજ ચાર ચિકન ખાય છે અને પાંચ લિટર દૂધ પીવે છે.
હજી સુધી એકપણ બીમારી નથી થઇ
હયાત કહે છે કે તેનું સ્વપ્ન વિશ્વનો સૌથી શક્તિશાળી માણસ બનવાનું છે. આ માટે, તેણે કિશોરવયથી જ તેનું વજન વધારવાનું શરૂ કર્યું અને આ વલણ અવિરત ચાલુ રહે છે. તે જણાવે છે કે તેને હજી સુધી કોઈ બીમારી નથી અને તે તેના વજનમાં સંપૂર્ણ રીતે ફિટ છે અને સારું લાગે છે.
દારડા વડે ખેંચ્યું ટ્રેક્ટર
અરબાબ પ્રથમ વખત ત્યારે ચર્ચામાં આવ્યો જ્યારે તેણે ટ્રેકટરને દોરડા વડે ખેંચ્યું હતું. તે સમયે તેનો વીડિયો ખૂબ વાયરલ થયો હતો. તેમનો દાવો છે કે વર્ષ 2012 માં તેણે જાપાનમાં 5000 કિલો વજન ઉંચક્યું છે. તેણે એવો દાવો પણ કર્યો હતો કે તેને ડબ્લ્યુડબ્લ્યુઇ તરફથી મેડલ મળ્યો છે અને તેનું નામ ગિનીસ બુકમાં પણ નોંધાયેલું છે. તેમ છતાં તેના દાવા કેટલા સાચા છે, તે સાબિત થયું નથી.