ઈઝરાયલ અને હમાસ વચ્ચેનો જંગ હવે ઉગ્ર બન્યો છે. ઈઝરાયલે ગાઝી પટ્ટી પર કરેલા હવાઈ હુમલામાં 43 લોકો માર્યાં ગયા છે જેમા 13 બાળકો પણ સામેલ છે.
ઈઝરાયલ અને હમાસ વચ્ચેનો જંગ હવે ઉગ્ર બન્યો
ઈઝરાયલે ગાઝી પટ્ટી પર કર્યો હવાઈ હુમલો
હવાઈ હુમલામાં 43 લોકો માર્યાં ગયા
ઈઝરાયલ પીએમે હજુ વધુ હુમલાની આપી ધમકી
હમાસના કટ્ટરવાદીઓના અડ્ડા બનેલા મનાતા ઠેકાણા પર ઈઝરાઈલે હવાઈ હુમલો કર્યો હતો જેમાં 3 આતંકીઓ માર્યા ગયા હોવાની ખબર છે. બીજી તરફ પેલેસ્ટાઈને પણ રોકેટ હુમલા વધારી દીધા છે.
ઈઝરાયલ અને હમાસની વચ્ચેની આ લડાઈ 2014 માં 50 દિવસ ચાલેલા યુદ્ધ કરતા પણ વધારે ભયંકર છે.
ગાઝામાં ઈઝરાઈલ હુમલાનો અવાજો પણ સંભળાયા હતા. જે ઈમારતોને નિશાન બનાવાયા હતા ત્યાં ધુમાડાના ગોટેગોટા ઉડતા જોવા મળ્યાં હતા. રાષ્ટ્રજોગ પ્રવચનમાં ઈઝરાયલના પીએમ બેન્જામિન નેતન્યાહૂએ જણાવ્યું કે હમાસ અને નાના ઈસ્લામિક જેહાદી ચરમપંથી જૂથોએ કિંમત ચુકવી છે. તેઓ તેમની આક્રમકતાની મોટી કિંમત ચુકવશે. તેમણે દાવો કર્યો કે ઈઝરાયલે સેંકડો ચરમપંથીઓને હણી નાખ્યાં છે અને તેમના ઠેકાણાઓને પણ મોટા પ્રમાણમાં નુકશાન થયું છે.
ઈઝરાયલી પીએમે જણાવ્યું કે આ અભિયાનમાં સમય લાગશે. દ્રઢ સંકલ્પ, એકતા અને તાકાતથી અમે ઈઝરાઈલના નાગરિકોની સુરક્ષા કરીશું.
ઈઝરાઈલી અતિક્રમણને કારણે હિંસા થઈ
હમાસના નિર્વાસીત નેતા ઈસ્માઈલ હાનિયેહે ટેલિવિઝન પરના સંબોધનમાં જણાવ્યું કે હિંસાની જવાબદારી ઈઝરાયલની છે. ઈઝરાઈલી અતિક્રમણને કારણે જેરુસલેમમાં હિંસા થઈ અને છેક ગાઝા સુધી તેના પડઘાં પડ્યાં છે.
ઈઝરાયલ અને ફિલિસ્તીનનાં સંગઠનો વચ્ચે થયેલ હિંસા
ઈઝરાયલ અને ફિલિસ્તીનનાં સંગઠનો વચ્ચે થયેલ હિંસા ઘણી હદે વધી ગઈ છે. ગયા શુક્રવારની રાતે યરૂશલમની મસ્જિદમાં ફિલિસ્તીનનાં અને ઇઝરાયલનાં સુરક્ષા દળો વચ્ચે હિંસા ભડકી ઉઠી હતી અને હવે આ હિંસાને લઈ ઈઝરાયલ અને હમાસ વચ્ચે રોકેટ દ્વારા હુમલાઓ શરૂ થઈ ગયા છે. જેમાં બંને પક્ષોના ઘણા બધા લોકો મૃત્યુ પામ્યા છે.
ઈસ્લામિક સંગઠન "ઓર્ગેનાઇઝેશન ઓફ ઈસ્લામિક કોર્પોરેશન"નાં બધા જ સભ્યો એકજૂટ થયા
ફિલિસ્તીનનાં સમર્થનમાં બધા જ દેશો એકજુટ થઈ ગયા છે. 57 દેશોનાં ઈસ્લામિક સંગઠન "ઓર્ગેનાઇઝેશન ઓફ ઈસ્લામિક કોર્પોરેશન" (OIC) નાં બધા જ સભ્યો હવે ઇઝરાયલની આકરી ટીકા કરી રહ્યા છે. પાકિસ્તાને પોતાના પ્રસ્તાવમાં કહ્યું છે કે ઇઝરાયલ વિરુધ્ધ સખત કાર્યવાહી અને કડક વલણ અપનાવવામાં આવે. બધા જ સભ્યોએ આ પ્રસ્તાવનું સમર્થન કર્યું છે.