કયારેક એશિયાની સૌથી મેદસ્વી મહિલા મનાતી મહારાષ્ટ્રના પાલઘરની એક મહિલાએ ચાર વર્ષની અંદર ર૧૪ કિલો વજન ઘટાડવાનું કારનામું કરી બતાવ્યું છે. તેના ડોકટર શશાંક શાહે બુધવારે તેની જાહેરાત કરી હતી. આ મહિલાનું વજન ૩૦૦ કિલો કરતાં પણ વધુ હતું.
મુંબઇઃ કયારેક એશિયાની સૌથી મેદસ્વી મહિલા મનાતી મહારાષ્ટ્રના પાલઘરની એક મહિલાએ ચાર વર્ષની અંદર ર૧૪ કિલો વજન ઘટાડવાનું કારનામું કરી બતાવ્યું છે. તેના ડોકટર શશાંક શાહે બુધવારે તેની જાહેરાત કરી હતી. આ મહિલાનું વજન ૩૦૦ કિલો કરતાં પણ વધુ હતું. આ મહિલાની ઓળખ પાલઘરના વસઇ નિવાસી ૪ર વર્ષીય અમૃતા રજનીના રૂપમાં થઇ છે.
એવું નથી કે તેને કોઇ જન્મજાત બીમારી હતી. જ્યારે તે જન્મી હતી ત્યારે સામાન્ય બાળકની જેમ જ તેનું વજન ત્રણ કિલો હતી, પરંતુ તે છ વર્ષની થઇ અને અચાનક તેનું વજન વધવા લાગ્યું. તે ૧૬ વર્ષની થઇ ત્યારે તેનું વજન ૧ર૬ કિલો થઇ ગયું. અમૃતાનાં વધતાં વજનથી ચિંતિત તેના પરિવારજનોએ દેશ અને દુનિયાના ઘણા ડોકટરોનો સંપર્ક કર્યો, પરંતુ કોઇના ઇલાજની તેના પર અસર ન થઇ.
ધીમે ધીમે તેને રોજિંદાં કામ કરવામાં પણ પરેશાની થવા લાગી. તેનો આત્મવિશ્વાસ ડગી ગયો અને તેણે ઘરમાંથી બહાર નીકળવાનું છોડી દીધું. લીલાવતી હોસ્પિટલના લેપરાઓબેસો સેન્ટરના સંસ્થાપક શશાંક શાહે તેની દુનિયા બદલી દીધી. છેલ્લાં આઠ વર્ષથી તે સંપૂર્ણ રીતે બેડમાં હતી. ડો.શાહે જણાવ્યું કે અમૃતા પહેલીવાર ર૦૧પમાં તેમની પાસે આવી હતી.
તમામ તપાસ બાદ તેમણે તેની સર્જરી કરાવવાનો નિર્ણય લીધો. ર૦૧પથી ર૦૧૭ની વચ્ચે તેની બે સર્જરી થઇ. ધીમે ધીમે તેનું વજન ઘટવા લાગ્યું. હવે તેનું વજન ૮૬ કિલો છે. હવે તેને કિડની, બ્લ્ડપ્રેશર, ડાયાબિટીસ જેવી બીમારીઓમાંથી મુક્તિ મળી ગઇ છે. ડો.શાહે જણાવ્યું કે હવે તેનું નામ લિમ્કા બુુક ઓફ રેકોર્ડમાં નોંધવાની પ્રક્રિયા ચાલી રહી છે.