અમદાવાદ / માત્ર હોસ્પિટલોને બંધ કરવાની નોટિસ કેમ? સ્કૂલો અને બીજા એકમો પર કાર્યવાહી કેમ નહીં : AMA

મનપાએ હોસ્પિટલોને ફટકારી હતી ક્લોઝર નોટિસ

અમદાવાદ મનપાએ 42 હોસ્પિટલો સામે કડક કાર્યવાહી કરતા તેમના રજિસ્ટ્રેશન રદ્દ કર્યા બાદ આજે તેના પડઘા પડ્યાં હતાં. અમદાવાદ મેડિકલ એસોસિયેશનના સભ્યો મનપાના રિવરફ્રન્ટ હાઉસ ખાતે પહોંચ્યા હતા અને AMC કમિશ્નરને રજૂઆત કરી હતી. ઉલ્લેખનીય છે કે BU અને ફાયર સેફ્ટીના અભાવે ગઈ કાલે મનપાએ 42 હોસ્પિટલને ક્લોઝર નોટિસ ફટકારી હતી. આવામાં હવે AMA આ કાર્યવાહી સામે મનપાને રજૂઆત કરવા પહોંચ્યું હતું અને કહ્યું હતું કે શા માટે માત્ર મેડિકલ વિભાગને જ ટાર્ગેટ કરવામાં આવે છે. માત્ર 42 હોસ્પિટલોને જ કેમ નિશાને લેવામાં આવી તેવી રજૂઆત કરવામાં આવી હતી.

શા માટે માત્ર હોસ્પિટલોને જ નોટિસ અપાઈ?

AMAના સભ્ય ડો. નિલેશ પટેલે કહ્યું હતું કે સુપ્રીમ કોર્ટનો આદેશ શિરોમાન્ય છે પરંતુ શા માટે માત્ર હોસ્પિટલોને જ નોટિસ અપાઈ? શહેરમાં ઘણી સ્કૂલો સહિત એવા એકમો છે જે BU પરમિશન વગર ચાલે છે તેમના પર કોઈ કાર્યવાહી કેમ નથી થતી. શા માટે માત્ર હોસ્પિટલો સામે કિન્નાખોરી રાખવામાં આવી અને મોટાપાયે કાર્યવાહી કરાઈ.

ઉલ્લેખનીય છે કે ગઈ કાલે સુપ્રીમ કોર્ટે હોસ્પિટલ સંચાલકો અને અમદાવાદ મેડિકલ એસોસિયેશનની રાહત માંગતી અરજી ફગાવતા AMC હરકતમાં આવ્યું હતું. પરિણામે અમદાવાદ મનપાએ 42 હોસ્પિટલો સામે ક્લોઝર નોટિસ ફટકારી હતી અને 7 દિવસમાં વપરાશ બંધ કરી તમામ દર્દીઓને અન્યત્ર ખેસડવા માટેની પણ નોટિસ આપી દેવાઈ હતી.

42 હોસ્પિટલો અને નર્સિંગ હોમ સામે તવાઈ

AMC દ્વારા શહેરમાં બિલ્ડિંગ યુઝ (BU) પરમીશન અને ફાયર NOC વિનાની 42 હોસ્પિટલો અને નર્સિંગ હોમ સામે તવાઈ કરી હતી અને તેમના રજિસ્ટ્રેશન (Form C) તાત્કાલિક ધોરણેથી રદ કરી દીધા છે. આ સાથે હોસ્પિટલે વપરાશ બંધ કરી દર્દીઓને પણ અન્યત્ર ખસેડવાની વ્યવસ્થા કરી દેવાની રહેશે. જો આમ ન કરવામાં આવ્યું તો AMC આગામી સમયમાં આકરા પગલા લઈ હોસ્પિટલોને સીલ પણ કરી દેશે તેવી નોટિસ આપવામાં આવી છે.

મહત્વનું છે કે અગાઉ ગુજરાત હાઈકોર્ટે વારંવાર બનતા આગના અકસ્માત જેવી ઘટનાઓની ગંભીર નોંધ લેતા AMCના એસ્ટેટ અને TDO વિભાગ સહિત ફાયર બ્રિગેડની આકરી ઝાટકણી કાઢી હતી. તેના બાદ મ્યુનિ તંત્ર દોડતું થયું હતું અને હોસ્પિટલોને નોટિસ આપતા હોસ્પિટલ સંચાલકો, અમદાવાદ મેડિકલ એસોસિયેશન દ્વારા હાઈકોર્ટે કરેલા હુકમની સામે સુપ્રીમ કોર્ટમાં રાહત આપવા માટે અરજી કરી હતી.

આ 42 હોસ્પિટલ અને નર્સિંગ હોમને ફટકારાઈ ક્લોઝર નોટિસ

1- જગમોહન હોસ્પિટલ, નવરંગપુરા
2- પુષ્પમ હોસ્પિટલ, સાબરમતી
3- શ્રવણ ઈ.એન.ટી. હોસ્પિટલ, મણિનગર
4- શૈશવ ચિલ્ડ્રન હોસ્પિટલ, મણિનગર (પૂર્વ)
5- સૌમ્ય ચિલ્ડ્રન હોસ્પિટલ એન્ડ નીઓનેટલ કેર સેન્ટર, આંબાવાડી
6- ચિરંજીવી ચિલ્ડ્રન હોસ્પિટલ એન્ડ નીઓનેટલ સેન્ટર, ઈસનપુર
7- સહયોગ ચિલ્ડ્રન હોસ્પિટલ એન્ડ ક્રિટિકલ કેર સેન્ટર, નારણપુરા
8- મોદી હોસ્પિટલ, ઘાટલોડિયા
9- નીઓ ચિલ્ડ્રન હોસ્પિટલ, શાસ્ત્રીનગર
10- રાઘવ મેટરનિટી એન્ડ નર્સિંગ હોમ, ચાંદલોડિયા
11- સાગર હોસ્પિટલ, વેજલપુર
12- પુનમ મલ્ટી સ્પેશિયાલિટી હોસ્પિટલ, કોતરપુર
13- ક્રિષ્ના હોસ્પિટલ એન્ડ આઈ.સી.યુ., નવા વાડજ
14- ઋગવેદ ફ્રેક્ચર એન્ડ ઓર્થોપેડીક હોસ્પિટલ, વાસણા
15- શિવમ સર્જીકલ હોસ્પિટલ, વેજલપુર
16- આશા મેટરનિટી એન્ડ નર્સિંગ હોમ, સરદારનગર
17- કિરણ સર્જિકલ હોસ્પિટલ, વાસણા
18- કામધેનુ સર્જિકલ હોસ્પિટલ, ચાંદલોડિયા
19- અનંત ઓર્થોપેડિક એન્ડ સુપરસ્પેશીયાલિટી હોસ્પિટલ, નગરી હોસ્પિટલ પાસે
20- નવજીવન હોસ્પિટલ, વાસણા
21- આશવી ઈ.એન.ટી. હોસ્પિટલ, બોડકદેવ
22- ઈસનપુર ચિલ્ડ્રન હોસ્પિટલ, ઈસનપુર
23- દેસાઈ મેટરનિટી હોમ, વાસણા
24- અનેરી ઓર્થોપેડિક એન્ડ મેટરનિટી હોમ, નારણપુરા
25- શાંતિવન હોસ્પિટલ, મેઘાણીનગર
26- ખેતેશ્વર મેડિકલ એજ્યુકેશન એન્ડ રીસર્ચ સેન્ટર, ઉસ્માનપુરા
27- માહિન હોસ્પિટલ, જુહાપુરા
28- દિનેશ મેટરનિટી નર્સિંગ હોમ, સાબરમતી
29- લીટલ ફ્લાવર નીઓનેટલ એન્ડ પિડિયાટ્રીક સુપર સ્પેશીયાલિટી હોસ્પિટલ, મણીનગર
30- શ્રદ્ધા ચિલ્ડ્રન એન્ડ નીઓનેટર હોસ્પિટલ, ઈસનપુર
31- અમી-સાગર પ્રસુતિગૃહ, નવા વાડજ
32- મનીષ આઈ હોસ્પિટલ, વાસણા
33- પ્રથમ હોસ્પિટલ, ઘાટલોડીયા
34- ખુશી વુમન્સ હોસ્પિટલ, ઘાટલોડીયા
35- જતન ચિલ્ડ્રન ક્લિનિક, વાસણા
36- જૈની સર્જીકલ હોસ્પિટલ, રાણીપ
37- ગાયત્રી હોસ્પિટલ, નવા વાડજ
38- કૃણાલ મેડિકલ હોસ્પિટલ, હાટકેશ્વર
39- શીલ્પ હોસ્પિટલ-ઓર્થોપેડીક એન્ડ ઓર્થાલ્મીક હોસ્પિટલ, સરખેજ
40- ભુલકા ચિલ્ડ્રન હોસ્પિટલ એન્ડ નીઓનેટલ કેર સેન્ટર, સરખેજ
41 - મમતા મેટરનીટી સરખેજ
42 - કિલ્લોલ ચિલ્ડ્રન હોસ્પિટલ, જીવરાજપાર્ક