ચિંતાજનક / આ રાજ્યમાં 2 મહિનામાં 0-9 વર્ષના 40 હજાર બાળકો કોરોનાગ્રસ્ત, બનાવવા પડ્યા વિશેષ ચાઈલ્ડ કોવિડ કેર સેન્ટર

• 2 મહિનામાં 40 હજાર બાળકો કોરોનાગ્રસ્ત 
• બાળકોને તાત્કાલીક આઈસોલેશનની જરુર છે પરંતુ...
• બાળકોને આ આઈસોલેશન સેન્ટરમાં રખાય છે

2 મહિનામાં 40 હજાર બાળકો કોરોનાગ્રસ્ત 

કર્ણાટકમાં બાળકોની વચ્ચે કોરોનાના કેસ સતત વધી રહ્યા છે. ભલે એક્સપર્ટે ત્રીજી લહેરમાં બાળકો પર સંકટ ગણાવ્યુ હોય પરંતુ બીજી લહેરમાં પણ આ આંકડા ડરાવી રહ્યા છે. કર્ણાટકમાં ફક્ત 2 મહિનાની અંદર 0-9વર્ષના લગભગ 40 હજાર બાળકો કોરોનાગ્રસ્ત થયા છે.  ત્યારે 10-19 વર્ષના કિશોરોની સંખ્યા 1 લાખને પાર પહોંચી ગઈ છે. આ સંખ્યા લગભગ 1, 05, 044 છે. આ આંકડા 18 માર્ચથી 18 મેની વચ્ચેના છે. જે દર્શાવવા માટે પુરતા છે કે કેવી રીતે કોરોના હવે બાળકો પર સંકટ બની ચૂક્યો છે. પોઝિટિવિટીમાં 0-9વર્ષના બાળકોમાં 143 ટકા અને 10-19 વર્ષના બાળકોમાં 160 ટકા છે.

 બાળકોને તાત્કાલીક આઈસોલેશનની જરુર છે પરંતુ...

આનું ખાસ કારણ મોટાઓમાં ફેલાયોલા કોવિડ બાદ બાળકોને તેમનાથી દૂર નહીં રાખવાનું મનાઈ રહ્યું છે. બાળકોને તાત્કાલીક આઈસોલેશનની જરુર છે. પરંતુ એવુ જોવા નથી મળી રહ્યુ. ન તો સરકાર દ્વારા કોઈ મજબૂત પ્લાન બનાવતી જોવા મળી રહી છે. આ દરમિયાન કેટલીક એનજીઓ અને પ્રાઈવેટ ઈન્સ્ટીટ્યૂશન સામે આવ્યા છે અને બેંગલુરુમાં પહેલી વાર બાળકો માટે એક્સક્લૂઝિવ કોવિડ કેર સેન્ટર અને આઈસોલેશન  સેન્ટપ બનાવવામા આવી રહ્યા છે.

બાળકોને આ આઈસોલેશન સેન્ટરમાં રખાય છે

એક મીડિયા ટીમે આ કોવિડ કેર સેન્ટરનું નિરિક્ષણ કર્યુ અને જાણ્યું કે કેવી રીતે આ બાળકોની દેખરેખ કરવામાં આવી રહી છે. આ એ બાળકો છે જેમના પેરેન્ટ્સ કોવિડ પોઝિટિવ  જોવા મળ્યા છે જેમની સારવાર કરનાર કોઈ નથી. તેવા બાળકોને આ આઈસોલેશન સેન્ટરમાં રાખવામાં આવે છે. જે બાળકો કોરોના પોઝિટિવ હોય છે તેમનું સંપૂર્ણ ધ્યાન મેડિકલ ટીમ દ્વારા રાખવામાં આવે છે.  ટીમે જોયું કે કેવી રીતે ફ્રન્ટલાઈન વોરિયર્સ ડોક્ટરોની ટીમ બાળકોને મોટિવેટ કરી રહી છે. તેમની સાથે રમે પણ છે હાલમાં શરુઆતી રીતે બાળકો માટે એક કોવિડ કેર સેન્ટર અને ત્રણ આઈસોલેશન સેન્ટર બનાવવામાં આવ્યા છે.