નોકરી / પોસ્ટ વિભાગમાં ગુજરાતના ગ્રામીણો માટે સરકારી નોકરી : 10 પાસ લાયકાત, ઈન્ટરવ્યુ નહીં

• પોસ્ટ વિભાગમાં નીકળી અરજીઓ
• 4000થી વધુ પદ માટે છે વેકેન્સી
• 10 પાસ વ્યક્તિઓ કરી શકે છે અરજી
• કોઈ ઈન્ટરવ્યૂ કે લેખિત પરીક્ષા નહીં લેવાય

આ પદ માટે છે જગ્યાઓ

ભારતીય પોસ્ટ વિભાગે ગુજરાત પોસ્ટલ સર્કલ અને કર્ણાટક પોસ્ટલ સર્કલમાં ગ્રામીણ પોસ્ટ સેવકોની 4269 પદ પર વેકેન્સી બહાર પાડી છે. તેમાંથી 2443 પોસ્ટ કર્ણાટક પોસ્ટલ સર્કલમાં છે અને સાથે જ 1826 જગ્યાએ ગુજરાત સર્કલમાં છે. ગ્રામીણ પોસ્ટ સેવકની આ જગ્યાઓના આધારે બ્રાન્ચ પોસ્ટ માસ્ટર, આસિસ્ટન્ટ બ્રાંચ પોસ્ટ માસ્ટર અને પોસ્ટ સેવકના પદની નિમણૂક કરાશે. 

કોણ કરી શકે છે એપ્લાય

આ તમામ પદ પર 10મી પાસના અરજદાર અરજી કરી શકે છે. તેઓએ કોઈ લેખિત પરીક્ષા આપવાની નથી કે કોઈ ઇન્ટરવ્યૂ આપવાનો નથી. અરજદારોએ 10મા ધોરણમાં જે અંક મેળવ્યા હશે તેના આધારે તેની નિમણૂંક કરાશે. જો અરજદાર પાસે 10મા સિવાય પણ ઉચ્ચ ડિગ્રી ધરાવે છે તો તેને મેરિટમાં સામેલ કરાશે નહીં. આ મેરિટ 10માં ધોરણમાં મળેલા અંકોના આધારે તૈયાર થશે. આ રીઝલ્ટમાં અરજદાર ગણિત અને સ્થાનિક ભાષા સાથે અંગ્રેજીમાં પાસ હોય તે જરૂરી છે. અરજદારની ઉંમર 18 વર્ષ અને 40 વર્ષની વચ્ચે હોવી જરૂરી છે. આ ઉંમર 21 ડિસેમ્બર 2020ના આધારે કરાશે. 

કમ્પ્યૂટર સર્ટિફિકેટ

આ પદ પર એપ્લાય કરનારા અરજદારોની પાસે કોઈ માન્યતા પ્રાપ્ત સંસ્થાના 60 દિવસના બેઝિક કમ્પ્યૂટર ટ્રેનિંગનું સર્ટિફિકેટ હોવું જરૂરી છે.