કોરોના મહામારી આવ્યા બાદ દુનિયામાં લાખો લોકોએ પોતાનો જીવ ગુમાવ્યો છે. આ પ્રકારની બીમારી વિશે તમે ક્યારેય પહેલા નહીં સાંભળ્યું હોય પરંતુ અહીં ડાન્સ કરતાં લોકોની મૃત્યું થઇ ગઇ હતી.
ડાન્સ કરતાં કરતાં મરવા લાગ્યા લોકો
1518માં આ અજીબ બીમારી ફેલાઇ હતી
આજ સુધી વૈજ્ઞાનિકો પઝલ સોલ્વ નથી કરી શક્યાં
કોરોના પહેલા કોઇએ વિચાર્યું પણ નહી હોય કે આવી અજીબ બીમારી પણ હોઇ શકે છે. આજે અમે તમને એવી જ એક બીમારી વિશે જણાવવાના છીએ જે થયા બાદ લોકો નાચતા નાચતા મૃત્યુ પામ્યા હતા.
રોગનું રહસ્ય
આ રહસ્યમય રોગ 1518માં ફ્રાન્સમાં ફેલાયો હતો. હવે જ્યારે આ બીમારીને 500 થી વધુ વર્ષ વીતી ગયા છે તો પણ વૈજ્ઞાનિકો આ રહસ્યમયી બીમારી વિશે જાણી શક્યા નથી. વર્ષ 1518માં ફેલાયેલી આ બીમારીએ ફ્રાન્સમાં 400થી વધુ લોકોને પોતાની ઝપેટમાં લીધા હતા. તેને ડાન્સ એપિડેમિક કહેવામાં આવતું હતું.
યુવતી અચાનક કરવા લાગી ડાન્સ
સૌથી પહેલા એક યુવતી આ બીમારીની ઝપેટમાં આવી. 1518ના જુલાઈ મહિનામાં એક યુવતીએ અચાનક ડાન્સ કરવાનું શરૂ કર્યું. છોકરીનું નામ ફ્રાઉ ટ્રોફી હતું. નૃત્ય કરતી વખતે તેના હોશ ઉડી ગયા હતા અને ડાન્સમાં એટલી મશગૂલ થઈ ગઇ હતો કે તે નાચતી વખતે ઘરની બહાર શેરીમાં આવી ગઈ હતી. ફ્રાઉને આ રીતે ડાન્સ કરતા જોઈને આસપાસના લોકો આશ્ચર્યચકિત થઈ ગયા.
સંબંધીઓ પણ નાચવા લાગ્યા
ફ્રાઉને ડાન્સ કરતી જોઈને તેના સંબંધીઓ ત્યાં તેને સમજાવવા આવ્યા હતા. જોકે તેના પરિવારના સભ્યો પણ નાચવા લાગ્યા હતા. થોડી જ વારમાં ત્યાં લોકોની ભારે ભીડ એકઠી થઈ ગઈ. આ પછી બધા ડાન્સ કરવા લાગ્યા હતા પછી અચાનક ન જાણે શું થઈ ગયું કે ડાન્સ કરતી વખતે લોકો ધડાકાભેર જમીન પર પડવા લાગ્યા અને બધાએ જીવ ગુમાવ્યો હતો.
ડાન્સ કરતી વખતે નીચે પડી ગયા અને જીવ ગુમાવ્યો
આ ઘટના દરમિયાન ડાન્સ કરતી વખતે 30થી વધુ લોકોના મોત થયા હતા. આ ઘટનાથી સમગ્ર ફ્રાન્સમાં ખળભળાટ મચી ગયો હતો અને લોકો ખૂબ જ ડરી ગયા હતા. આ પછી, ફ્રાન્સના ઘણા વિસ્તારોમાં, ડાન્સ કરતી વખતે લોકોના મૃત્યુના સમાચાર સામે આવવા લાગ્યા. એક પછી એક શહેરમાં ડાન્સ કરતી વખતે મરવાની ઘટના વધી રહી હતી. કોઈના ડાન્સ કરવાના સમાચાર સામે આવતા જ તેને હોસ્પિટલમાં દાખલ કરવામાં આવતાં હતા.
1518ના વૈજ્ઞાનિકોએ શું કહ્યું હતું
તે વખતના વૈજ્ઞાનિકોએ ફ્રાન્સની આ રહસ્યમય ઘટના વિશે ઘણું સંશોધન કર્યું હતું, પરંતુ તેઓ તેનું કોઈ સાચું કારણ શોધી શક્યા ન હતા. વૈજ્ઞાનિકોએ આ રોગને 'ડાન્સિંગ પ્લેગ' નામ આપ્યું છે. ધીરે ધીરે, આ રોગ જાતે જ સમાપ્ત થઈ ગયો હતો. આજે આ રોગના 500 વર્ષ પછી પણ વૈજ્ઞાનિકો આ રોગનું રહસ્ય શોધી શક્યા નથી.