મહામારી / કોરોનાની બીજી લહેરમાં યુવાનો સૌથી વધુ ભોગ કેમ બન્યા, સ્ટડીમાં થયો મોટો ખુલાસો

• મેક્સ હેલ્થકેરની આગેવાનીમાં 13 હોસ્પિટલોનો સ્ટડી 
• બીજી લહેરમાં 40 ટકા વધારે મોત યુવાનોના થયા 
• બીજી લહેરમાં સંક્રમિત યુવાનોમાં વાયરસ અત્યંત મજબૂત હતો 

સ્ટડીમા ખૂબ ચોંકાવનારા તથ્યો જાણવા મળ્યાં. બીજી લહેર દરમિયાન હોસ્પિટલોમાં દાખલ થનાર યુવાનોની અંદર વાયરસ સૌથી વધારે મજબૂત હતો અને તેને કારણે યુવાનોના વધારે મોત થયા. જોકે બીજી લહેર દરમિયાન દર્દીઓ અને બીજા પણ પરિબળોએ ભાગ ભજવ્યો હતા. બેકીરિયલ અને ફંગલ ઈન્ફેક્શન પણ એક કારણ હતું. આ બધાને કારણે યુવાનોના મૃત્યદરમાં ઘણો વધારો થયો.

રિપોર્ટ અનુસાર બીજી લહેરમાં ડેલ્ટા વેરિયન્ટને કારણે દર્દીઓમાં સંક્રમણની ટકાવારી વધારે હતી. આ વેરિયન્ટ ફક્ત ઝડપથી ફેલાતો જ નથી પરંતુ તે ખતરનાક પણ હતો. પહેલી લહેર કરતા બીજી લહેરમાં મૃત્યુ દર 40 ટકા વધારે હતો.

બીજી લહેર દરમિયાન હોસ્પિટલોમાં 10.5 ટકા મૃત્યુ દર નોંધાયો 

બીજી લહેર દરમિયાન હોસ્પિટલોમાં 10.5 ટકા મૃત્યુ દર નોંધાયો જ્યારે પહેલી લહેરમાં 7.2 ટકા હતો. પુરુષ અને મહિલા બન્નેમાં સમાન રીતે આ ટકાવારી જોવા મળી છે. બીજી લહેરમાં પુરુષોમાં મૃત્યુ દર 10.8 ટકા જ્યારે પહેલી લહેરમાં 7.4 ટકા હતો. જ્યારે બીજી લહેરમાં મહિલા મૃત્યુ દર 9.8 ટકા અને પહેલી લહેરમાં 6.8 ટકા હતો.

45 વર્ષથી ઓછી વયના લોકોનો મૃત્યુ દર 4.1 ટકા રહ્યો 

45 વર્ષથી ઓછી વયના લોકોના મૃત્યુ દરની વાત કરીએ તો બીજી લહેરમાં 4.1 ટકા અને પહેલી લહેરમાં 1.3 ટકા મૃત્યુ દર હતો. આ વયના લોકો જ્યારે હોસ્પિટલમાં ભરતી થયા ત્યારે કોરોનાના લક્ષણ સરેરાશ 7.3 દિવસ સુધી રહ્યાં હતા જ્યારે પહેલી લહેરમાં 6.3 ટકા હતા. 

યુવાનોના મોત માટે આ કારણો પણ જવાબદાર 

રિપોર્ટ અનુસાર બીજી લહેર દરમિયાન ઘણા દર્દીઓને હોસ્પિટલ પહોંચાડવામાં ઘણુ મોડુ થઈ ગયું હતું તેને કારણે પણ મૃત્યુ દર વધારે રહ્યો હતો. હોસ્પિટલોમાં બેડ નહોતા, જે પણ દર્દીઓને હોસ્પિટલમાં દાખલ કરાયા હતા તેમની સ્થિતિ તો પહેલેથી જ ખરાબ હતી. પહેલી અને બીજી લહેરમાં બે તૃતિયાંશ પુરુષો હતા જ્યારે પહેલી લહેરની તુલનામાં બીજી લહેરમાં મહિલા દર્દીઓની ટકાવારી પણ વધી હતી.