ગરમીની સીઝન આવે એટલે લોકો પહાડો તરફ ફરવા જવાનુ વિચારતા હોય છે. ત્યાં આહલાદક વાતાવરણ સાથે નેચરલ બ્યુટી પણ મન મોહી લે છે. આપણા દેશમાં હિમાલયથી લઇને દક્ષિણ સુધી અલગ અલગ ઉઁચાઇની સુંદરતાથી ભરપુર પર્વતમાળા છે. કાશ્મીરથી લઇને બંગાળ, સિક્કિમ, નાગાલેન્ડ, મણિપુર, મિઝોરમ સુધી ફેલાયેલી હિમાલયની પર્વતમાળા એક વિશાળ રેન્જ આપે છે. દક્ષિણમાં ખુબ જ સુંદર પર્વતમાળાઓ આપણને પશ્વિમી ઘાટમાં મળે છે. ભારતના જે જાણીતા હિલસ્ટેશન છે, તે જગ્યાઓ પર ભીડ ન વધારીને એવી જગ્યાઓએ જવું જોઇએ જ્યાં લોકો ઓછા અને કુદરતની સુંદરતા વધુ હોય.
ગરમીની રજાઓમાં જો બધા લોકો શિમલા, નૈનીતાલ અને મસુરી જશે તો ત્યાં કુદરતી નજારાઓ કરતા લોકો જ વધુ જોવા મળશે. ત્યાં એટલી ભીડ હશે કે તમને પાછા ચાલ્યા જવાનુ મન થશે. ગાડીઓનું પોલ્યુશન, કચરો અને ટુરિસ્ટોની ભારે સંખ્યા આ જગ્યાનુ સંતુલન બગાડી શકે છે. ગયા વર્ષે ત્યાં એટલી સંખ્યામાં સહેલાણીઓ પહોંચી ગયા હતા કે ત્યાં પાણીની સમસ્યા થઇ ગઇ હતી. પાર્કિંગની તો વાત જ ન પુછો. તો તમે એવા ડેસ્ટીનેશન પર જઇ શકો કે જ્યાં ભીડ ઓછી હોય.
સાંગલા વેલી, હિમાચલપ્રદેશ
હિમાચલના કિન્નોર જિલ્લામાં આવેલી સાંગલા વેલી તિબ્બટ બોર્ડરની નજીક છે. શિમલા થી લગભગ 220 કિલોમીટર ડ્રાઇવ કરીને તમે સુંદર સાંગલા વેલી પહોંચી શકશો. સાંગલાને ટ્વીન સીટી પણ કહે છે, કેમકે તેની નજીક છે કિન્નોર વેલીનું કલ્પા શહેર. આ જગ્યા કુદરતી સુંદરતાથી ભરેલી છે. સાંગલા વેલીમાં તમને ઘણા દર્શનીય સ્થળ મળી જશે. તેની સુંદરતામા ચાર ચાંદ લગાવે છે સુંદર બસપા નદી. તે સતલજ નદીની સહયોગી નદી છે. અહીં રિવર ક્રોસિંગ, ટ્રાઉટ-ફિશિંગ, સાઇકલ ટ્રેકિંગ જેવા એડવેન્ચર સ્પોર્ટસ કરાય છે.
નુબ્રા વેલી, લદાખ
જુન મહિનામાં નુબ્રા વેલીનું તાપમાન 8થી 20 ડિગ્રીની વચ્ચે રહે છે નુબ્રા વેલી લદ્દાખમાં ઉત્તર-પુર્વમાં સ્થિત છે. જો હિમાલય નું નૈસર્ગિક સૌંદર્ય હજુ પણ ક્યાંય સ્પર્શ વગરનું હોય તો તે છે નુબ્રા વેલીમાં. અહીં પહોંચવા માટે લેડથી ખાદુર્ગ લા દર્રે થઇને જવું પડશે. આ વેલીની વચ્ચે પહાડ અને તેના દામનમાં વસેલા નાના નાના ગામ કોઇ પણ ચિત્રકારની કલ્પનાથી સજીવ થાય છે. લાકો દુર દુરથી નુબ્રા વેલીમાં ડબલ હમ્પ વાળા ઉંટ જોવા આવે છે. નુબ્રા વેલી પહોંચવાનો રસ્તો રોમાંચથી ભરેલો છે. નુબ્રા વેલી પહોંચીને લગભગ 2000 મીટરની ઉંચાઇએ પહોંચી જવાય છે.
તીર્થન વેલી, હિમાચલ
કુલ્લુની ખુબ નજીક ઘણી સુંદર ઘાટીઓ છે. તીર્થન વેલી આવી જ સુંદર ઘાટી છે. જો તમે પરિવારની સાથે હોલિડે પ્લાન કરી રહ્યા હો તો આ એક ઉત્તમ જગ્યા છે. તમે તીર્થનમાં આરામથી ત્રણથી ચાર દિવસનો સમય વિતાવી શકશો. તીર્થન નદીના કિનારે વસેલુ મનોરમ સ્થળ ધ ગ્રેટ હિમાલયન નેશનલ પાર્કનું પડોશી છે. આ જગ્યાની ખાસિયત એ છે કે તે સામુદાયિક આધારિત પર્યટન છે. અહીં આવીને તમારુ શરીર કુદરતી રીતે ડિટોક્સ થઇ જશે. અહીં બે દિવસ પણ વીતાવશો તો તમે બહુ હળવાશ અનુભવશો.