નોકરીની કમાણી પુરી ન પડી રહેતી હોય તો નોકરીની સાથે આ બિઝનેસ કરીને તમે વધારાની ઈનકમ કરી શકો છો. જાણો સુપરહિટ 4 બિઝનેસ આઈડિયા.
નાના શહેરોથી લઈને મોટા શહેરોમાં પણ થઈ શકે આ બિઝનેસ
છતની જગ્યા અનુસાર શરૂ કરો બિઝનેસ
જાણો કયા કયા બિઝનેસ ઘરે બેઠા કરી શકાશે
કોઈપણ ધંધો શરૂ કરવામાં થોડું જોખમ હોય છે. પરંતુ જો કોઈ ધંધો સાવચેતીપૂર્વક આયોજન સાથે શરૂ કરવામાં આવે તો તેમાંથી સારો નફો થોડા જ સમયમાં મેળવી શકાય છે. આજે અમે તમને એવા જ કેટલાક બિઝનેસ વિશે જણાવવા જઈ રહ્યા છીએ જેને તમે તમારા ઘરની છત પર શરૂ કરી શકો છો અને મોટો નફો કમાઈ શકો છો. તમને જણાવી દઈએ કે આ વ્યવસાયોમાં જોખમ પણ ઘણું ઓછું છે.
ઘરની છત પર થોડું રોકાણ કરીને ટેરેસ ફાર્મિંગ, સોલાર પેનલ, મોબાઈલ ટાવર જેવા તમામ વ્યવસાયો શરૂ કરી શકાય છે. આ ઉપરાંત છત ભાડે આપીને પણ સારી આવક થઈ શકે છે. આવા વ્યવસાય નાના શહેરોથી લઈને મોટા શહેરોમાં થઈ શકે છે.
ઘરની છત પરથી કમાણી કેવી રીતે કરવી?
માર્કેટમાં આવી ઘણી એજન્સીઓ છે જે તમારી છતના સ્થાન અનુસાર બિઝનેસ આપી શકે છે. આ સિવાય ઘણા બિઝનેસ ઇન્ડસ્ટ્રીઝ તમને છત માટે સારી યોજના અને પૈસા આપે છે. આવો જાણીએ તેવા કયા કયા બિઝનેસ છે...
ટેરેસ ફાર્મિંગ
શાકભાજીની ખેતીના શોખીન લોકો માટે ટેરેસ ફાર્મિંગ એ વધુ સારો વિકલ્પ છે. આ પદ્ધતિમાં લોકો પોતાના ઘરમાં ખેતી કરે છે. સારી ખેતી થવા પર એટલું ઉત્પાદન થાય છે કે તે નજીકના ઘણા ઘરોની શાકભાજીની માંગને પુરી કરી શકે છે.
આ ટેરેસ ફાર્મિંગ કરતા લોકોને અલગથી પૈસા કમાવવાની તક આપે છે. ટેરેસ પર તમે રીંગણ, કોબી, ચેરી ટામેટાં અને બ્રોકોલી સહિત શાકભાજીની ઘણી પરંપરાગત અને વિદેશી જાતો ઉગાડી શકો છો.
સોલર પેનલ
જો તમે પણ નવા અને ઓછા રોકાણમાં કોઈ બિઝનેસ શરૂ કરવા માંગો છો તો આ તમારા માટે ખૂબ જ સારો વિકલ્પ છે. તમે સોલાર પેનલ લગાવીને વીજળી સપ્લાય કરવાનો બિઝનેસ કરી શકો છો. તમને જણાવી દઈએ કે રિન્યુએબલ એનર્જીને પ્રોત્સાહન આપવા માટે સરકાર 30 ટકા સબસિડીનો લાભ પણ આપી રહી છે.
મોબાઈલ ટાવર
જો તમારી બિલ્ડિંગની છત ખાલી હોય તો તમે તેને મોબાઈલ કંપનીઓને ભાડે આપી શકો છો. મોબાઈલ ટાવર લગાવ્યા બાદ તમને કંપની દ્વારા દર મહિને અમુક રકમ આપવામાં આવે છે.
આ માટે તમારે સ્થાનિક મ્યુનિસિપલ કોર્પોરેશનની પરવાનગી લેવી પડશે. જો તમે ઘરે મોબાઈલ ટાવર લગાવવા ઈચ્છો છો, તો તમે મોબાઈલ કંપનીઓ અથવા ટાવરનું સંચાલન કરતી કંપનીઓનો સીધો સંપર્ક કરી શકો છો.
હોર્ડિંગ્સ લગાવીને કરો કમાણી
જો તમારું બિલ્ડીંગ એવા સ્થાન પર છે જે દૂરથી અથવા કોઈપણ મુખ્ય રસ્તા પર સરળતાથી દેખાઈ શકે છે તો તમે તમારી છત પર હોર્ડિંગ્સ અને બેનરો લગાવીને સારી રકમ મેળવી શકો છો. દરેક શહેરમાં જાહેરાત એજન્સીઓ છે જે આઉટડોર જાહેરાત કરે છે.
તમે આ એજન્સીનો સંપર્ક કરી શકો છો, જે તમામ પ્રકારની મંજૂરીઓ લીધા પછી તમારી છત પર હોર્ડિંગ્સ લગાવશે.