મહેસાણા-પાટણ વચ્ચે દોડતી ચાર પેસેન્જર સ્પેશિયલ ટ્રેનો કરાઈ રદ્દ, પશ્ચિમ રેલવે દ્વારા ટ્રેનો 9 જાન્યુઆરીથી 22 જાન્યુઆરી સુધી રદ્દ રહેશે તેવી કરાઈ જાહેરાત.
મહેસાણા-પાટણને જોડતી 4 સ્પેશિયલ ટ્રેન રદ્દ કરાઈ
રેલવેની કામગીરીને લઈને 9થી 22 જાન્યુઆરી સુધી ટ્રેનો રદ્દ
મહેસાણા-વિરમગામ, સાબરમતી-પાટણ સ્પેશિયલ ટ્રેન રદ્દ
રેલવેની કામગીરી પૂર્ણ થયા બાદ પુનઃ શરૂ કરાશે ટ્રેન
મહેસાણા-પાટણને જોડતી ટ્રેનમાં દરરોજ મોટી સંખ્યામાં લોકો મુસાફરી કરે છે. ત્યારે આ ટ્રેનોને લઈને હાલ એક મહત્વના સમાચાર સામે આવી રહ્યા છે. મહેસાણા-પાટણને જોડતી 4 ટ્રેન રદ્દ કરાઈ છે. આ અંગેની જાહેરાત પશ્ચિમ રેલવે દ્વારા કરવામાં આવી છે.
9થી 22 જાન્યુઆરી સુધી સ્પેશિયલ ટ્રેનો રદ્દ
પશ્ચિમ રેલવેના જણાવ્યા અનુસાર, જગુદણ- મહેસાણા વચ્ચે રેલલાઇન અને મહેસાણામાં યાર્ડ રિમોડલિંગ કામગીરીના કારણે 4 પેસેન્જર સ્પેશિયલ ટ્રેનોને રદ્દ કરવામાં આવી છે. મહેસાણા- પાટણ, પાટણ-મહેસાણા, મહેસાણા-વિરમગામ અને સાબરમતી-પાટણ સ્પેશિયલ ટ્રેન 9 જાન્યુઆરીથી 22 જાન્યુઆરી સુધી રદ્દ રહેશે. રેલવેની કામગીરી પૂર્ણ થયા બાદ આ ટ્રેનોને ફરી રાબેતા મુજબ દોડાવવામાં આવશે.
રદ્દ કરાયેલી ટ્રેનોની વિગત નીચે મુજબ છે
આ રદ્દ કરવામાં ટ્રેનોમાં 09481 મહેસાણા- પાટણ સ્પે.(દૈનિક), 09483 મહેસાણા- પાટણ સ્પે.(સોમ અને શુક્ર સિવાય અઠવાડિયામાં 5 દિવસ), 09484 પાટણ- મહેસાણા સ્પે.(સોમ અને શુક્ર સિવાય અઠવાડિયામાં 5 દિવસ), 09476 પાટણ- મહેસાણા સ્પે.(દૈનિક), ટ્રેન નં. 09491 મહેસાણા- વિરમગામ સ્પેશિયલ (દૈનિક), 09492 વિરમગામ-મહેસાણા સ્પે.દૈનિક, ટ્રેન નં. 09369 સાબરમતી- પાટણ સ્પેશિયલ (રવિવાર સિવાય દરરોજ) અને ટ્રેન નં. 09370 પાટણ- સાબરમતી સ્પેશિયલ (રવિવાર સિવાય દરરોજ)નો સમાવેશ થાય છે.