ગીર સોમનાથ / ગીર ગઢડાના બાબારીયા રેન્જમાં સસલાનો શિકાર કરનારા 4 શખ્સો ઝબ્બે, જાળ સહિતનો રૂ.એક લાખનો મુદ્દામાલ કબજે

• ગીર ગઢડાના બાબારીયા રેન્જમા શિકાર કરતા શખ્સો ઝડપાયા
• સસલાનો શિકાર કરનારા 4 શખ્સોને વન વિભાગે ઝડપ્યા
• સસલા પકડવાની જાળ સહિતનો રૂ.એક લાખનો મુદ્દામાલ કબ્જે

ગીર ગઢડાના બાબારીયા રેન્જમાં વન્ય પ્રાણીઓનો શિકાર કરવાનાં બનાવો અવાર નવાર પ્રકાશમાં આવતા હોય છે. ત્યારે આ શિકારીઓને વન વિભાગ દ્વારા ઝડપી તેઓને જેલનાં સળીયા પાછળ ધકેલી દેવામાં આવે છે. ગીર ગઢડાના બાબારીયા રેન્જમાં કેટલાક શખ્શો  શિકાર કરતા  હોવાની જાણ વન વિભાગને થતા વન વિભાગે શિકારીઓને મુદ્દામાલ સાથે ઝડપી પાડ્યા હતા.

વન વિભાગે વધુ પૂછપરછ હાથ ધરી
ગીર ગઢડાનાં બાબાીયા રેન્જમાં વન્ય પ્રાણીઓનો શિકાર કરતા શખ્શોને વન વિભાગ દ્વારા ઝડપી પાડ્યા છે. ત્યારે ઝડપાયેલા શિકારીઓની વન વિભાગ દ્વારા પૂછપરછ કરવામાં આવતા તેઓ સસલાનો શિકાર કરતા હોવાનું પૂછપરછમાં બહાર આવવા પામ્યું છે. સસલાનો શિકાર કરનાર 4 શખ્શોને વન વિભાગે ઝડપ્યા છે. વન વિભાગે શિકારીઓ પાસેથી સસલા પકડવાની જાળ સહિતનો રૂપિયા એ લાખનો મુદ્દામાલ જપ્ત કર્યો છે. ત્યારે ઝડપાયેલ શખ્સોએ  અત્યાર સુધી કેટલા વન્ય પ્રાણીઓનો શિકાર કર્યો તેની વધુ માહિતી મેળવવા માટે તેઓની વધુ પૂછપરછ હાથ ધરવામાં આવી છે.