કેનેડાથી હોડી મારફતે ગેરકાયદેસર અમેરિકા જઈ રહેલા 8 લોકોના મૃત્યુ થયા છે. જેમાં 4 લોકો મહેસાણા જિલ્લાના હોવાનું સામે આવ્યું છે.
અમેરિકામાં ગેરકાયદે પ્રવેશતા 8 લોકોના મૃત્યુ
હોડી પલટી જતા 4 ગુજરાતી સહિત 8 લોકોના મૃત્યુ
વિજાપુરના માણેકપુરના એક જ પરિવારના 4 સભ્યોના મૃત્યુ
અમેરિકામાં ગેરકાયદેસર ઘૂસવાના બનાવોમાં વધુ એકનો ઉમેર્યો થયો છે. જેમાં કેનેડાથી ગેરકાયદેસર રીતે યુએસમાં પ્રવેશ કરતી વખતે સેન્ટ લોરેન્સ નદીમાં 8 લોકો ડૂબી ગયા હતા. કેનેડાથી અમેરિકામાં ગેરકાયદેસર રીતે નદી પાર કરીને ઘૂસણખોરી કરનારા 8 લોકોના મોતના સમાચાર ગઈકાલે સામે આવ્યા હતા. ત્યારે હવે 8 મૃતકોમાંથી 4 ગુજરાતીઓ હોવાનું ખૂલ્યું છે. મહેસાણાના વિજાપુરના માણેકપુર ગામના એક જ પરિવારના 4 લોકો અમેરિકા જતા મોતને ભેટ્યા છે.
મહેસાણાના 4 લોકોનું મોત
મળતી માહિતી અનુસાર, મહેસાણા જિલ્લાના વિજાપુરના માણેકપુર ગામના એક જ પરિવારના 4 લોકોના નદીમાં ડૂબી જવાથી મૃત્યુ થયા છે. વિજાપુરના માણેકપુરના પ્રવીણ ચૌધરી, પત્ની દક્ષાબેન ચૌધરી, દીકરી વિધિ ચૌધરી અને દીકરા મિત ચૌધરીનું લોરેન્સ નદીમાં ડૂબી જવાથી મોત થયું છે. મૃતકો કેનેડાથી હોડી મારફતે અમેરિકા જઈ રહ્યા હતા. નાની હોડીમાં 8 લોકો સવાર હતા. ખરાબ વાતાવરણના કારણે હોડી ડૂબી ગઈ હતી. દુર્ઘટના બાદ 8 લોકોના મૃતદેહ મળી આવ્યા છે.
8 લોકો કેનેડાથી જઈ રહ્યા હતા અમેરિકા
પોલીસના જણાવ્યા અનુસાર, કુલ આઠ લોકો કેનેડાથી ગેરકાયદે અમેરિકા જઈ રહ્યા હતા. એવામાં બુધવારે રાતે હવામાન પલટાયુ હતું. ભારે પવન અને વાવાઝોડું આવ્યુ હતું. જેને કારણે બોટ નદીમાં પલટી ગઈ હતી. પોલીસને કોલ મળતા જ ત્યાં પહોંચી હતી. નદીમાંથી 8 લોકોના મૃતદેહ બહાર કાઢવામાં આવ્યા હતા.
શું છે મામલો?
- કેનેડાથી ગેરકાયદે અમેરિકા જવા નીકળેલા 8 લોકોના મૃત્યુ
- મૃતકોમાં મહેસાણાના વિજાપુરનું પરિવાર સામેલ
- માતા-પિતા, દીકરો અને દીકરીનું ડૂબવાથી મૃત્યુ
- ખરાબ હવામાનના કારણે હોડી ડૂબી હતી
- એક્વાસેસનમાંથી પસાર થતી સેન્ટ લોરેન્સ નદીમાં બની ઘટના
- બપોરના સમયે લોરેન્સ નદીમાં હોડી પલટી હતી
- હોડીમાં કેપેસિટી કરતા વધુ લોકો બેસ્યા હતા
- વધુ લોકોના બેસવાથી થઇ દુર્ઘટના
- હોડી પલટી જતા સર્ચ શરૂ કરવામાં આવ્યું હતું
- સર્ચ દરમિયાન 8 મૃતદેહો મળ્યા
- 8 મૃતદેહોમાં 2 બાળકો સામેલ
- મૃતક બાળક પાસેથી મળ્યો કેનેડિયન પાસપોર્ટ