Accident IN Aravalli: અરવલ્લીના બાયડમાં ટ્રકે બાઇકને ટક્કર મારતા 4 લોકોના મોત થયા છે. મૃતકોમાં બે બાળકોનો પણ સમાવેશ થાય છે.
બાયડ શહેરમાં CNG ટ્રકે બાઈકને મારી ટક્કર
બાઈક પર બેઠેલા દંપતી અને બે બાળકોના મોત
ગાબટ રોડ પર અકસ્માતે પરિવારનો માળો વિખેર્યો
રાજ્યમાં અવારનવાર અનેક અકસ્માતના બનાવો સામે આવતા હોય છે. ત્યારે આવો જ એક ગમખ્વાર અકસ્માતનો બનાવ સામે આવતા ચકચાર મચી જવા પામી છે. અરવલ્લી જિલ્લાના બાયડ શહેરમાં CNG ટ્રકે બાઈકને અડફેટે લેતા બાઈક પર બેઠેલા દંપતી અને બે બાળકોના કરૂણ મોત થયા છે.
પોલીસે શરૂ કરી તપાસ
મળતી માહિતી અનુસાર, રવિવારની વહેલી સવારે બાયડ શહેરનો ગાબટ રોડ મોતની ચિચિયારીઓથી ગુંજી ઊઠ્યો હતો. વહેલી સવારે CNG સપ્લાય કરતા વાહને બાઈકને અડફેટે લેતા અકસ્માત સર્જાયો હતો. જેમાં બાઈક સવાર 2 બાળકો સહિત 4 લોકોના મોત નિપજ્યા હતાં. આ અંગેની જાણ થતાં બાયડ પોલીસની ટીમ બનાવસ્થળે દોડી આવી છે. હાલ પોલીસ દ્વારા તપાસ શરુ કરવામાં આવી છે.