દુર્ઘટના / ગુરૂગ્રામમાં ગમખ્વાર અકસ્માતઃ બેફામ કારચાલકોએ બાઇક સવારોને કચડી નાખતા 4ના કરૂણ મોત, Swiggy માટે કરતા હતા કામ

• ગુરૂગ્રામમાં Swiggy કંપનીના ડિલિવરી બોય્ઝને નડ્યો અકસ્માત
• બાઇક સવારોને કચડી નાખતા 4નાં કમકમાટીભર્યા મોત
• પોલીસે કાર ચાલકની ધરપકડ કરીને ગાડી જપ્ત કરી લીધી

દિલ્હી નજીક આવેલા ગુરૂગ્રામમાં એક વાર ફરી તેજ રફ્તારથી ચાલતા બેફામ વાહનચાલકોને બેફામ કહેર જોવા મળી રહ્યો છે. ત્યારે શહેરના ગોલ્ફ કોર્સ રોડ પર એક તેજ રફ્તાર સાથે આવેલ કારચાલકે બે બાઇક પર સવાર Swiggy કંપનીના ચાર ડિલિવરી બોયને કચડી નાખ્યાં.

સારવાર દરમ્યાન મોત

આ ચારેય યુવકોનું સારવાર દરમ્યાન મોત નિપજ્યું છે. આ સાથે આ દુર્ઘટનામાં એક શખ્સ ઘાયલ પણ થયો હોવાનું જાણવા મળી રહ્યું છે. જો કે આ ઘટનાની જાણ થતા જ ડીએલએફ ફેઝ વન પોલીસ તુરંત ઘટનાસ્થળે પહોંચી ગઇ હતી. પોલીસની એક ટીમે કાર ચાલકની ધરપકડ કરીને ગાડી પણ જપ્ત કરી લીધી છે. આ મામલામાં આગળની વધુ તપાસ પણ હાથ ધરાઇ રહી છે. એવું કહેવામાં આવી રહ્યું છે કે, આ દુર્ઘટના ગઇ કાલના રાતે ઘટી હતી. ગુરૂગ્રામ પોલીસ (Gurugram Police) એ મૃતકોના મૃતદેહોને પોસ્ટમોર્ટમ માટે મોકલી દીધા હતાં. જેઓનું પોસ્ટમોર્ટમ પણ કરી દેવાયું છે.
 

એક બાળકનું મોત : સેક્ટર-45 વિસ્તારમાં મંગળવારનાં બપોરે મિત્રો સાથે રમતા એક બાળકને અજાણ્યા વાહને ટક્કર મારી હતી. આથી તેને નજીકની હોસ્પિટલમાં દાખલ કરવામાં આવ્યો હતો. જ્યાં સારવાર દરમિયાન તેનું મોત થયું હતું. તેની ઓળખ 11 વર્ષીય દેવેન્દ્ર કુમાર તરીકે થઈ છે, જે નૂંહ જિલ્લાના બારોટા ગામના રહેવાસી સંજય યાદવના પુત્ર છે. જે મૂળ કન્હાઈ ગામમાં ભાડેથી રહે છે. ફરિયાદના આધારે સેક્ટર-40 પોલીસ સ્ટેશને કેસ નોંધીને આ સમગ્ર મામલે વધુ તપાસ હાથ ધરી છે.