મહીસાગરના લુણાવાડા પાસેના કોસિયા ખાતે ટ્રક અને બાઇક વચ્ચે ગંભીર અકસ્માત સર્જાતા 4ના ઘટનાસ્થળે જ મોત.
મહીસાગરના લુણાવાડા નજીક ગંભીર અકસ્માત
ટ્રક અને બાઈક વચ્ચેના અકસ્માતમાં 4ના મૃત્યુ
પોલીસે ટ્રક ચાલકને પકડવા કવાયત હાથ ધરી
મહીસાગરના લુણાવાડા પાસેના કોસિયા વિસ્તારમાં ગંભીર અકસ્માત સર્જાયો છે. ટ્રક અને બાઈક વચ્ચે લુણાવાડા નજીક ગંભીર અકસ્માત સર્જાયો છે. જેમાં 4 લોકોએ ઘટનાસ્થળે જ પોતાના જીવ ગુમાવ્યા છે. મળતી માહિતી અનુસાર, આ અકસ્માતમાં બાઈક સવાર પતિ-પત્ની અને 2 બાળકોના મૃત્યુ થયા છે. જેથી પોલીસે અકસ્માતનો ગુનો નોંધી ટ્રક ચાલકને પકડવા કવાયત હાથ ધરી છે. પરંતુ આ અક્માત બાદ ટ્રક ચાલક ઘટનાસ્થળેથી ફરાર થઇ ગયો હતો. જેથી ડ્રાઈવરની ધરપકડ કરવા પોલીસે વધુ તજવીજ હાથ ધરી છે.
લિમડી પાસે 2 બાઇક વચ્ચે અકસ્માત સર્જાતા એકનું મોત
બીજી બાજુ લિમડીથી ચાકલીયા જતાં મેઈન રોડ પર રણીયા૨ ઈનામી ગામે બે બાઇક વચ્ચે સર્જાયેલા અકસ્માતમાં પટકાયેલા બંનેને ઈજા થતાં તેઓને હોસ્પિટલ ખસેડવામાં આવ્યા હતા. જેમાંથી એકનું મોત નિપજ્યું હતું. તા. 26મીએ કરંબાના અશ્વિનભાઇ તથા ધર્મેન્દ્રભાઇ બંન્ને બાઇક લઇને રોજ લિમડીથી પસાર થઇ રહ્યાં હતા. એ દરમિયાન રણીયાર ઈનામી ગામે બાઇકના ચાલકે વાહન પુરઝડપે હંકારી લાવી અશ્વિનની બાઇક સાથે અકસ્માત કરતા બંન્ને જણા નીચે પટકાતા તેઓ ઘાયલ થયા હતા.
હોસ્પિટલમાં સારવાર દરમ્યાન એકનું મોત
દરમ્યાન બંનેને સારવાર અર્થે લિમડીની હોસ્પિટલમાં ખસેડાયા હતા. એ દરમ્યાન ધર્મેન્દ્રભાઇને માથામાં, મોઢા પર તથા પગે ઇજાઓ થવાથી સારવાર દરમિયાન મોત નિપજ્યું હતું. જ્યારે અશ્વિનને સામાન્ય ઇજાઓ થતાં તેઓને સારવાર અર્થે હોસ્પિટલમાં દાખલ કરાયા હતા. દરમ્યાન અકસ્માત કરનાર અજાણ્યા બાઇક વિરૂદ્ધ લિમડી પોલીસ મથકે ફરિયાદ નોંધાવતાં પોલીસે ગુનો નોંધી આગળની કાર્યવાહી હાથ ધરી હતી.