રાજ્યના ત્રણ જિલ્લાઓમાં ગમખ્વાર અક્સમાતની ઘટનાઓ.વડોદરા,મહેસાણા અને દેવભૂમિ દ્વારકામાં આ અકસ્માતો થયા છે. અલગ-અલગ બનેલી આ દુર્ઘટનાઓમાં કુલ મળીને ચારના મોત
ત્રણ દુર્ઘટનામાં ચારના મોત,10 થી15 ઈજાગ્રસ્ત
અક્સમાતના કારણો પણ સાવ જુદા-જુદા
ત્રણ જૂદા-જૂદા જિલ્લાઓમાં સડક દુર્ઘટના
રાજ્યમાં આજે ત્રણ જિલ્લાઓમાં ગમખ્વાર અક્સમાતની ઘટનાઓ ઘટી છે.વડોદરા,મહેસાણા અને દેવભૂમિ દ્વારકામાં આ અકસ્માતો થયા છે. અલગ-અલગ બનેલી આ દુર્ઘટનાઓમાં કુલ મળીને ચાર લોકોના મોત થયા છે.જેમાં એક નાના બાળકનો પણ સમાવેશ થાય છે.આ ત્રણેય દુર્ઘ્ત્નાઓમા મળીને અંદાજે 12 થી 15 વ્યક્તિઓ ઘાયલ થયાના સમાચાર છે.
વડોદરામાં બાઈક ટકરાઈ- ભડભડ સળગી
વડોદરાના સાવલીના રાસાવાડી ગામે ભયાનક અકસ્માત સર્જાયો હતો. બે મોટર સાયકલ વચ્ચે સર્જાયેલા ગમખ્વાર અક્સમાતમાં ઘટના સ્થળે જ બંને મોટર-સાયકલમાં આગ ભભૂકી ઉઠી હતી.જેમાં એક યુવકનું ઘટના સ્થળે જ મોત નિપજ્યું હતું. આ અકસ્માતમાં 4 યુવકો ગંભીર રીતે દાઝી જતા, તેમને સારવાર માટે હોસ્પીટલમાં ખસેડાયા છે.ઘટના સ્થળે પહોચી ગયેલી પોલીસે ઝીણવટપૂર્વક તપાસ હાથ ધરી છે.
મહેસાણા પાસે સ્કોર્પિયો કૂવામાં ખાબકી
બીજી દુર્ઘટના મહેસાણાના સતલાસણા પાસે બની છે.અહીંના પટેલવાડી વિસ્તારમાં એક સ્કોર્પિયો ગાડી કૂવામાં ખાબકી ગઈ હતી. બાઈક સવારને બચાવવા જતા સ્કોર્પિયો ચાલકે કંટ્રોલ ગુમ્વતા ગાડી કોવામાં ખાબકી હતી. સ્કોર્પિયો ગાડીમાં 10 લોકો સવાર હતા.આ ઘટનામાં 8 માસના એક બાળક સાથે એક મહિલાનું મોત નિપજ્યું છે.સ્કોપિયો ગાડી કૂવામાં ખાબકવાની ઘટના વાયુવેગે પ્રસરી જતા લોકોના ટોળા એકત્રિત થયા હતા.
દ્વારકામાં ફાટ્યું કારનું ટાયર
અકસ્માતની ત્રીજી દુર્ઘટના દેવભૂમિ દ્વારકાની છે.અહીના ભોગાત હર્ષદ રોડ પર કાર પલટી જતા અકસ્માત સર્જાયો હતો. કારનું ટાયર ફાટવાના કારણે ચાલકે ગાડી અપ્રનો પોતાનો કાબુ ગુમાવતા આ અક્સમાત સર્જાયો હતો. બેકાબૂ કાર ખેતરમાં પલટી જતા એક વ્યક્તિનું મૃત્યુ થયું હતું તો અન્ય ચાર વ્યક્તિ ઈજાગ્રસ્ત થઇ હતી.જેમણે સારવાર માટે હોસ્પિટલમાં ખસેડવામાં આવ્યા છે.