વલસાડના તિથલ રોડ પર આવેલા સૂકૃતી એપાર્ટમેન્ટમાં બર્થડે પાર્ટીમાં શરાબની મહેફિલ માણતા 10 યુવકો અને ચાર યુવતીઓ રંગે હાથ ઝડપાઈ
દારૂની મહેફિલનો પર્દાફાસ
દારૂની મહેફિલ માણતા નબીરા ઝડપાયા
10 યુવકો સહિત 4 યુવતી ઝડપાઇ
વલસાડમાં દારૂની મહેફિલ માણતા નબીરાઓને સીટી પોલીસે ઝડપી પાડ્યા છે. બાતમીને આધારે પોલીસે તીથલ રોડ પર આવેલા એક એપાર્ટમેન્ટમાં રેડ કરી હતી. તે દરમિયાન એક નબીરાની બર્થડે પાર્ટીમાં શરાબની મહેફિલ માણતા 10 યુવકો અને ચાર યુવતીઓ રંગે હાથ ઝડપાઈ ગયા હતા. બનાવની વિગત એવી વાત કરીએ તો, તિથલ રોડ પર આવેલા સૂકૃતી એપાર્ટમેન્ટમાં શરાબની મહેફિલ ચાલી રહી હોવાની પોલીસને માહિતી મળી હતી. પોલીસે ફ્લેટનો દરવાજો ખોલીને અંદર ઘુસતા પોલીસ પણ ચોંકી ગઈ હતી.
કારણ કે ફ્લેટ બંધ કરી અને અંદર યુવકો અને યુવતીઓ મોટી સંખ્યામાં વિદેશી દારૂની મહેફિલ માણી રહ્યા હોવાનું જોવા મળ્યું હતું. આથી પોલીસે દારૂની મહેફિલ માણતા 10 યુવકો અને 4 યુવતીઓને પણ ઝડપી લીધા હતા. અને તમામની ધરપકડ કરી તેમના વિરુદ્ધ કાયદેસરની કાર્યવાહી હાથ ધરી છે. ઉપરાંત વિદેશી દારૂની બોટલો અને મોબાઈલ ફોન અને અન્ય વાહનો મળી રૂપિયા ત્રણ લાખથી વધુની રકમનો મુદ્દામાલ જપ્ત કરી પોલીસે આગળની કાર્યવાહી હાથ ધરી છે.