દુઃખદ / ગોઝારો શનિવાર: ગુજરાતમાં અકસ્માતોની વણઝાર, 4ના મોત, 12 ઘાયલ

• ગુજરાતમાં અકસ્માતોની વણઝાર
• સુરતમાં બાળકી, પાલનપુર અને અમરેલીમાં 3 વ્યક્તિઓનું મોત
• 12થી વધુ લોકો ઈજાગ્રસ્ત થયા છે 

શનિવારે રાજ્યમાં આજે એક પછી એક અકસ્માતનોની વણઝાર શરૂ થઈ ગઈ છે. આજે વહેલી સવારથી સુરત, સરેન્દ્રનગર, રાજકોટ, પાલનપુર, બનાસકાંઠા અને અમરેલીમાંથી અકસ્માતના સમાચારો મળી રહ્યા છે. જેમાં અત્યાર સુઘી એક બાળકી સહિત ત્રણ લોકોના મોત નીપજ્યા છે.  

સુરતમાં બસની અડફેટે બાળકીનું મૃત્યું

સુરતમાં બસ અને મોપેડ વચ્ચે અકસ્માત સર્જાતા ગોઝારી દુર્ઘટના બની છે. આ અંગે પ્રાપ્ત માહિતી અનુસાર સુરતના સહારા દરવાજા નજીક ગત મોડી રાત્રે એક બસ ચાલકે મોપેડ પરિવારને અડફેટે લઈને ગંભીર અકસ્માત સર્જ્યો હતો. જેમાં એક બાળકીનું મૃત્યુ થવા પામ્યું હતું. જ્યારે બાળકીના માતા-પિતાને ગંભીર ઈજાઓ પહોંચતાં તેઓને તાત્કાલિક ઈજાગ્રસ્તોને સારવાર માટે હોસ્પિટલ ખાતે ખસેડાયા હતાં. 

સુરેન્દ્રનગરના માલવણ કચ્છ હાઈવે પર અકસ્માત

બીજી તરફ સુરેન્દ્ર નગર માલવણ કચ્છ હાઈવે પર આવેલા હરિપર ગામ પાસે પણ ટેન્કર અને ટ્રક વચ્ચે પણ અકસ્માત સર્જાયો હતો. આ અકસ્માતના પગલે ટેન્કરમાં એકા એક આગ લાગી હતી. મહત્વનું છે કે, ટેન્કરમાં જ્વલનશીલ પદાર્થ હોવાથી આગ પ્રસરતાં અન્ય પાંચ જેટલા વાહનોને પણ ચેપટમાં લીધા હતાં. સદ્દનસીબે આ અકસ્માતમાં કોઈ જાનહાની થવાની વિગત સામે નથી આવી. બીજી તરફ ટેન્કરમાં આગ લાગ્યા હોવાની જાણ ફાયર વિભાગને થતાં તાત્કાલિક ઘટના સ્થળે પહોંચી ભારે જહેમત બાદ ફાયર ફાઈટરોએ આગ પર કાબુ મેળવ્યો હતો. આમ આગ લાગતા હાઈવે પર ટ્રાફિક જામ સર્જાયો હતો.

રાજકોટમાં સિટિ બસે સ્કૂટર ટક્કર મારતાં ઉશ્કેરાયેલા ટોળાએ બસ ચાલકને માર્યો માર .

રાજકોટમાં મહિલા કોલેજ અંડર બ્રિજ પાસે સિટિ બસ અને સ્કૂટર વચ્ચે અકસ્મત સર્જાયો હતો. મહિલાના સ્કૂટર સાથે સિટી બસ અથડાતા મામલો બિચકયો જેને લઈને ઉશ્કેરાયેલા ટોળાઓએ બસ ચાલકને માર માર્યો હતો. બીજી તરફ લોકો આક્ષેપ કર્યો હતો કે,લોકો આક્ષેપ કર્યો હતો કે,  રાજકોટ શહેરમાં સિટી બસ ચાલકો બેફામ રીતે બસ ચલાવી રહ્યા છે. 

સુરતના કામરેજ-બારડોલી રોડ પર ઈંટ ભરેલી ટ્રક પલટી

સુરતના કામરેજ-બારડોલી રોડ પર આવેલા કોળી ભરથાણા ગામ નજીક ઈંટ ભરેલી ટ્રક પલટી જવા પામી હતી. જેને લઈને બે શ્રમિકો ફસાય હતાં. જો કે, આ ઘટનાની જાણ કામરેજ ફાયર વિભાગને કરતાં ફાયર વિભાગાના લાશ્કરો તાત્કાલિક ઘટના સ્થળે પહોંચી બન્ને શ્રમિકને હેમખેમ બહાર કાઢ્યા

પાલનપુર પાસે જગાણા હાઇવે પર અકસ્માત 

પાલનપુર પાસે જગાણા હાઇવે પર આજે અકસ્માત થયો હતો. જેમાં એક બાઈક સવાર યુવક અમદાવાદ થી આબુ રોડ તરફ જઈ રહ્યો હતો.  તે દરમિયના આ અકસ્માત સર્જાયો હતો. ઉલ્લેખનીય છે કે, આ ઘટનાની જાણ પાલનપુર તાલુકા પોલીસ થતાં તાત્કાલિકત ઘટના સ્ચળ પહોંચી  જઈને કાયદેસરની કાર્યવાહી હાથ ધરવવામાં આવી છે. 

બનાસકાંઠાના ઈકબાલગઢ હાઈવે પર બે ટ્રક વચ્ચે અકસ્માત

બનાસકાંઠાના ઈકબાલ ગઢ હાઈવે પર બે ટ્રક વચ્ચે ગંભીર અકસ્માત સર્જાયો હતો. આ અકસ્માત એટલો ગંભીર હતો કે, એક ટ્રક ચાલક ટ્રકની કેબિનમાં ફસાયો હતો. આ અકસ્મતના પગલે હાઈવે પર લોકોના ટોળે ટોળા ઉમટી પડ્યાં હતાં. બીજી તરફ ટ્રકની કેબિનમાં ફસેયાલ ટ્રક ડ્રાઈવરને બચાવવા માટે તંત્રએ તાત્કાલિક રેસ્ક્યુ ઓપેરેશન હાથ ધર્યું હતું. તો આ તરફ અકસ્માતની ઘટનાની જાણ અમીરગઢ પોલીસ થતાં તુરંત જ ઘટના સ્થળે પહોંચી કાયદેસરની કાર્યવાહી હાથ ધરવામાં આવી છે. 

અમરેલીમાં ખાંભાના ઈંગોરાળા ગામે ગમ્ખવાર અકસ્માત

અમરેલી જિલ્લાના ખાંભાના ઈંગોરાળા ગામે ખાંભાથી ધારી જતા એક કાર ચાલકે કાર પરથી કાબૂ ગુમવતા કાર પલટી જવા પામી હતી. મહત્વનું છે કે, આ અકસ્માતમાં 2ના મોત થયાં છે. જ્યારે 5 થી વધુ લોકો ઈજા પહોંચાડવામાં આવી છે. મહત્વનું છે કે, આ અકસ્માતની જાણ ખાંભા પોલીસને થતાં તાત્કાલિક ઘટના સ્થળે પહોંચી ગઈ હતી. અને ઈજાગ્રસ્તોને તુરંત હોસ્પિટલ ખાતે વધુ સારવાર અર્થે ખસેડવામાં આવ્યાં હતાં.