અમદાવાદ-વડોદરા એક્સપ્રેસ હાઈ-વે પર ગંભીર અકસ્માત થયો છે. નડિયાદ પાસે અકસ્માતમાં 4 લોકોના મોત નિપજ્યા છે. કાર પલટીને હાઈ-વેથી સાઈડની કોતરોમાં નીચે ખાબકી હતી. કાર પલટીને 20થી 25 ફૂટ નીચે ખાબકતાં કારનો કચ્ચરઘાણ વળી ગયો હતો.
વડોદરા એક્સપ્રેસ હાઇવે પર નડિયાદ નજીક કાર પલટી જતા ગમખ્વાર અકસ્માત સર્જાયો હતો. જેમાં 4 પુરૂષોના મોત નિપજ્યા છે. પુરપાટ ઝડપે આવતી કાર હાઇવેની સાઇડમાં 20થી 25 ફૂડ નીચે ખાબકી હતી. કાર મહારાષ્ટ્ર પાર્સિંગની હોવાનું સામે આવ્યું છે.
આ ઘટનાની જાણ થતાં પોલીસે ઘટનાસ્થળ પર પહોંચી વધુ તપાસ હાથ ધરી છે. ત્યારે એક બાદ એક આ પ્રકારના અકસ્માતોની હોડ લાગી છે. તમામ રસ્તાઓ મોતના માર્ગ સમાન બની રહ્યા છે.