રાજ્યમાં તહેવારનો દિવસ રહ્યો ભારે. એક જ દિવસમાં રાજ્યમાં 4 મોટા અકસ્માત થયા, અલગ અલગ અકસ્માતમાં અત્યાર સુધી 6 લોકોએ જીવ ગુમાવ્યા છે.
તહેવારમાં સાચવજો!
ભારે ન પડે બેદરકારી
રાજ્યમાં 4 મોટા અકસ્માત
6 લોકોના મૃત્યુ,20થી વધુને ઇજા
ઉતાવળ પડી શકે છે ભારે
દેશભરમાં આજે દિવાળીની ધામધૂમથી ઉજવણી કરવામાં આવી રહી છે, કોરોના વાયરસ મહામારી બાદ પહેલીવાર દેશમાં ખુશી અને ઉત્સવનો આવો માહોલ જોવા મળી રહ્યો છે. પરંતુ ગુજરાતમાં એવા ઘર પણ છે જેમના ઘરનાં દિપક આજના દિવસે જ ઓલવાઈ ગયા. રાજ્યમાં જુદા જુદા જિલ્લાઓમાંથી અકસ્માતનાં સમાચાર સામે આવી રહ્યા છે.
ઉતાવળ પડી શકે છે ભારે
રાજ્યમાં તહેવારનો દિવસ રહ્યો ભારે. એક જ દિવસમાં રાજ્યમાં 4 મોટા અકસ્માત થયા, અલગ અલગ અકસ્માતમાં અત્યાર સુધી 6 લોકોએ જીવ ગુમાવ્યા છે. જ્યારે 30થી વધુ લોકોને ઇજા પહોંચી છે. અમદાવાદ એક્સપ્રેસ હાઇવે પરના અકસ્માતમાં 3 લોકોના મૃત્યુ થયા, તો અરવલ્લીમાં અકસ્માતમાં 3 લોકોએ જીવ ગુમાવ્યા, જ્યારે બોટાદ પાસે ભાવનગર-રાજકોટ હાઇવે પર અકસ્માતમાં 10થી 12 લોકોને ઇજા થઇ છે. તો દાહોદ પાસે ત્રિપલ અકસ્માત થયો છે. તહેવારોમાં બહાર ફરતા લોકોને VTV પણ અપીલ કરે છે કે સલામતી સાથે મુસાફરી કરો. સલામત રહો.
અમદાવાદ એકસપ્રેસ હાઇવે પર અકસ્માત, 3નાં કરૂણ મોત
અમદાવાદ વડોદરા એક્સપ્રેસ હાઈવે પર ઓવર ટેક કરવા જતાં એક ગાડી ટ્રકની પાછળ ઘુસી ગઈ હતી જે બાદ અમદાવાદનાં ઘોડાસરનાં રહેવાસી 3 લોકોના કરૂણ મોતના દુ:ખદ સમાચાર સામે આવી રહ્યા છે. અકસ્માત બાદ એક વ્યક્તિનો જીવ બચી ગયો હતો અને તે ગાડીમાં ફસાયેલ હતો જે બાદ ફાયર વિભાગની ગાડી ત્યાં પહોંચી તેની મદદ કરવામાં આવી.
ધનસુરામાં કાર અને ટ્રક વચ્ચે અકસ્માત
અમદાવાદની જેમ જ અરવલ્લીનાં ધનસુરામાં પણ ટ્રક અને કાર વચ્ચેનો અકસ્માત સામે આવ્યો છે. કાર અને ટ્રક વચ્ચેની ટક્કર બાદ ત્રણ લોકોના મોત થયા હતા અને સ્થાનિકો મદદ માટે તરત જ ત્યાં દોડી આવ્યા હતા. આ સિવાય ઈજાગ્રસ્તોને તાત્કાલિક હોસ્પિટલ ખસેડવાની કાર્યવાહી કરવામાં આવી.
રાજકોટ-ભાવનગર હાઈ-વે પર અકસ્માત
દિવાળીનો તહેવાર હોય એટલે લોકો પોતાના વતન અચૂક જાય છે, પોતાના સગાવ્હાલાંનાં ઘરે જાય છે ત્યારે બોટાદમાં આવા જ લોકોને અકસ્માત નડ્યો હતો. બોટાદના ઢસામાં 2 ટ્રાવેલ્સ વચ્ચે અકસ્માત થયો જે બાદ 12 લોકોને ઈજા પહોંચી હતી.
અમદાવાદ -ઇન્દોર હાઈવે પર અકસ્માત
અમદાવાદ-ઈન્દોર હાઈવે પર નસીરપુર ગામ નજીક પણ ટ્રીપલ અકસ્માતની ઘટના સામે આવી છે. અહીં આઇસર, પિક અપ વાન અને રિક્ષા વચ્ચે જોરદાર ટક્કર થઈ હતી જે સમગ્ર ઘટના CCTVમાં કેદ થઈ ગઈ છે.