કાર્યવાહી / અમદાવાદમાં MD ડ્રગ્સના જથ્થા સાથે મુંબઈની યુવતી સહિત 4ની ધરપકડ,તપાસમાં થયા મોટા ઘડાકા

• SOG પોલીસે MD ડ્રગ્સના જથ્થા સાથે મુંબઈની યુવતીને ઝડપી
• યુવતી સહિત 4 આરોપીની કરી ધરપકડ કરી
• મહિલા આરોપીએ પેડલરનું નેટવર્ક બનાવ્યું હતું

ગુજરાત પોલીસ દ્વારા ડ્રગ્સ માફીયાઓને પકડવાનું અભિયાન શરૂ કર્યું છે. ત્યારે અમદાવાદના ખાનપુરમાં  SOG ની ટીમે MD ડ્રગ્સના જથ્થા સાથે મુંબઈની યુવતી સહિત 4 આરોપીની કરી ધરપકડ કરી છે. પોલીસ દ્વારા યુવતીની પૂછપરછ કરતા યુવતી મુંબઈથી ડ્રગ્સ લાવીને ડ્રગ્સનું વેચાણ કરતી હતી. ત્યારે મહિલા આરોપીએ ડ્રગ્સનું વેચાણ કરવા પેડલરનું નેટવર્ક બનાવ્યું હતું. વધુ તપાસમાં પોલીસને જાણવા મળ્યું હતું કે યુવતી 100થી વધુ ગ્રાહકોને ડ્રગ્સ આપે છે. 

તપાસમાં 100 થી વધુ ગ્રાહકો હોવાનું ખુલ્યું
અમદાવાદના ખાનપુરમાંથી SOG પોલીસે રેહનુમા ઉર્ફે સિઝાખાન, શાહબાજખાન પઠાણ, જૈનિષ દેસાઈ અને અંકિત શ્રીમાળી ડ્રગ્સના જથ્થા સાથે ઝડપાયા છે.  ત્યારે SOG ની ટીમને બાતમી મળતા ખાનપુર નજીક 2.96 લાખના MD ડ્રગ્સના જથ્થા સાથે ઝડપી લીધા હતા. આ ડ્રગ્સની માસ્ટર માઈન્ડ રેહનુમા ખાન છે. મુંબઈથી ડ્રગ્સનો જથ્થો લાવીને અમદાવાદના યુવાનોને વેચતી હતી. SOG ની તપાસમાં તેની પાસે 100થી વધુ ગ્રાહકો હોવાનું ખુલ્યું છે અને છેલ્લા એક વર્ષથી મહિલા ડ્રગ્સનો જથ્થો મુંબઈથી લાવતી હતી અને પેડલરોની મદદથી ગ્રાહકો સુધી જથ્થો પહોંચાડતી હતી. SOG ક્રાઇમે ડ્રગ્સ કેસમાં 4 આરોપીની ધરપકડ કરી તપાસ શરૂ કરી..

યુવકોને ડ્રગ્સના રવાડે ચડાવ્યા હતા
અમદાવાદ અને ગાંધીનગર વિસ્તારમાં ડ્રગ્સનું નેટવર્ક ફેલાયેલું છે. મહિલા આરોપી રેહનુમા મુંબઈમાં ડ્રગ્સ માફિયાના સંપર્ક માં આવ્યા બાદ તેને અમદાવાદમાં ડ્રગ્સ નેટવર્ક ઉભું કર્યું. તે મુંબઈથી આવીને પોષ વિસ્તારમાં હોટલમાં રોકાતી હતી. ડ્રગ્સનું નેટવર્ક ફેલાવવા તે એક મહિનો ઘર ભાડે રાખીને અમદાવાદ માં રહી હતી. તે કોલેજ અને રેસ્ટોરન્ટમાં યુવાનોને ટાર્ગેટ કરતી હતી. પહેલા યુવકોને ડ્રગ્સનાં રવાડે ચડાવતી હતી અને ત્યાર બાદ તેઓને આર્થિક મદદ કરતી હતી. અને પૈસા પરત મેળવવાનું દબાણ લાવીને તેઓને ડ્ગ્સ પેડલર બનાવતી હતી.. પકડાયેલા જૈનિષ દેસાઈ અને અંકિત શ્રીમાળી પણ આ પ્રકારે ડ્રગ્સ પેડલર બન્યા હતા.

પોલીસે મહિલાનાં સમગ્રે નેટવર્કનું લિસ્ટ મેળવ્યું
SOGએ મહિલાના ડ્રગ્સ નેટવર્કનું લિસ્ટ મેળવ્યું છે. જેમાં ગ્રાહકોને NGO ની મદદથી નશામુકત કરવાનું ઝુંબેશ શરૂ કર્યું છે. આ ઉપરાંત આ ડ્રગ્સ નેટવર્કમાં સરફરાઝખાન પઠાણ નામના શખ્સનું નામ ખુલ્યું છે. જેને લઈને પોલીસે જુદી જુદી ટિમો બનાવીને આરોપીની શોધખોળ શરૂ કરી છે.