સુરતઃ બોગસ ડોમિસાઇલ-નોન ક્રિમિલીયર સર્ટી બનાવવાના કૌભાંડ મામલે 4ની ધરપકડ

સુરતઃ ગુજરાતમાં નકલી ડિગ્રીના કૌભાંડનો પર્દાફાશ થયો છે. રાજકોટ સુરત અને અમદાવાદમાં નકલી ડિગ્રીનું નેટવર્ક ચાલતું હતું. સુરતમાંથી નકલી ડિગ્રી મામલામાં 4 આરોપીઓની ધરપકડ કરી છે. આરોપીઓ ડોમિસાઈલ સર્ટી નોન ક્રિમિલીયરના નકલી સર્ટી બનાવતા હતા.

પુના વિસ્તારમાં નકલી સર્ટી બનાવવાનું કૌભાંડ ચાલતું હતું. નકલી સર્ટીમાં ખોટા દસ્તાવેજ સરકારી સિક્કા જોવા મળ્યા હતા. બીજી તરફ રાજકોટમાં ઈન્ડિયન બિઝનેસ મેનેજમેન્ટ સ્કૂલના નામે કૌભાંડ ચાલતું હતું.

ગાંધીધામ પોલીસે 4 આરોપીઓ ધરપકડ કરી હતી. કૌભાંડીઓ ગ્રેજ્યુએટ બિઝનેસ મેનેજમેન્ટના નકલી પ્રમાણપત્ર આપતા હતા. એન્જિનિયરિંગનું પણ નકલી પ્રમાણપત્ર આપતા હતા. ગુજરાતમાં 400 બોગસ ડીગ્રી વેંચ્યાની આરોપીની કબૂલાત છે.

અમદાવાદનો પથિક પંચાલ નકલી ડિગ્રીના કૌભાંડનો મુખ્ય સૂત્રધાર છે. આવા લાલચુ લોકોથી સાવધાન રહેવા VtV અપીલ કરે છે.

સાથે અનેક સવાલો ઉદભવે છે કે કેટલા સમયથી બોગસ સર્ટીનું કૌભાંડ ચાલતું હતું? સર્ટીમાં ખોટા દસ્તાવેજ સરકારી સિક્કા કયાંથી મેળવ્યા? ગુજરાતના કેટલા શહેરોમાં બોગસ સર્ટી વેચાયા? કૌભાંડીઓએ બોગસ સર્ટીમાં તઘડા નાણા કેટલા લીધા? કૌભાંડમાં મોટા માથાઓની સંડોવણી હશે? શું આ કૌભાંડ આંતરરાજય કૌભાંડ છે? નકલી ડિગ્રીની લાલચ આપી કારકિર્દી સાથે રમત કેમ?