ચંદન ચોરીના મૂળ સુધી પહોંચવા વનવિભાગે સોગઠાં ગોઠવ્યા, અગાઉ પકડેલા આરોપીઑની પૂછપરછને આધારે સિન્ડીકેટનો પર્દાફાશ
ગીરના જંગલમાં સક્રિય થયા ચંદન માફિયાઓ
વનવિભાગે વધુ 4 આરોપીઓને ઝબ્બે કર્યા
200 કિલોગ્રામ ચંદન વૃક્ષોનું મટીરીયલ ઝડપાયું
અમરેલી જિલ્લાના ગીરના જંગલોમાં ચંદનના વૃક્ષોની થતી તસ્કરીનો પર્દાફાશ વનવિભાગ દ્વારા કરવામાં આવ્યો હતોને અગાઉ રાજસ્થાનની ચંદન ચોર ગેંગને ઝડપી પાડીને રિમાન્ડ દરમ્યાન ગીરના જંગલો આસપાસ રહેતા સ્થાનિકો આ ચંદનના વૃક્ષોની તસ્કરીમાં સહભાગી હોવાનું ખૂલ્યું હતું.વનવિભાગ દ્વારા 200 કિલોગ્રામ ચંદનના વૃક્ષો તેમજ ચંદનની છાલ સાથે વધુ 4 શખ્સોની ધરપકડ કરીને કાયદેસરની કાર્યવાહી કરી છે. છેક રાજસ્થાનથી આવીને ગીરના જંગલોમાં રહીને ચંદનના વૃક્ષો કાપીને લઈ જવાની ઘટના વનવિભાગ માટે પડકારરૂપ હતી. જંગલોની બોર્ડર પર સતત ચોકી પહેરો રહેતો હોવા છતાં જંગલો માંથી તસ્કરો ચંદનના વૃક્ષો કઈ રીતે લઈ જઈ શક્યા તે મોટો સવાલ ઉભો થયો હતો. ધારી અને ખાંભા ગીરના જંગલોમાંથી અનેક ચંદનના વૃક્ષોની ચોરીની ખાનગીમાં તપાસ કરતા વનવિભાગને સફળતા મળી હતી.
અગાઉ પણ 4 શખ્સો ઝડપાયા હતા
અગાઉ 19 સપ્ટેમ્બરે રાજસ્થાની ગેંગના ચાર શખ્સોને રંગેહાથ ગીરના જંગલોની બોર્ડર પરથી ઝડપાઇ ગયા બાદ વનવિભાગના અધિકારી દ્વારા ચંદન ચોરીના મૂળ સુધી પહોંચવા કમરકસી હતી જેમાં સફળતા મળી અને અને વધુ ચાર શખ્સોને વનવિભાગે 200 કિલોગ્રામ ચંદનના વૃક્ષોના કટિંગ સાથે ઝડપી પાડ્યા હતા. સાથે મદદગારી કરતા શખ્સો પણ વનવિભાગે સાણસામાં લઈને જેલના સળિયા પાછળ ધકેલી દીધા છે.
ચંદન માફિયાઓને મદદ કરનાર પર પણ ગાળિયો કસાયો
ભાણીયા ગામ નજીક ગીર અભ્યારણ વિસ્તારમાંથી ૧)શાહરૂખ ફિરોદઅલી.રાજસ્થાન,૨) મહંમદ શેખ મુબારક શેખ. રે.રાજસ્થાન.૩) આમિર ખાન ઇશાખ ખાન પઠાણ. રે રાજસ્થાન.૪) પવન આત્મારામ વર્મા, રે.રાજસ્થાનને ઝડપી લેવાયા બાદ પૂછપરછમાં કબુલાત કરી હતી કે અગાઉ તેઓ ત્રણ વખત ધારી અને ખાંભાના જંગલ અને રેવન્યુ વિસ્તારમાં ચંદન ચોરી ગેરકાયદે ચંદનનો મુદ્દામાલ ખરીદી ચૂક્યા છે. બાદ વન વિભાગે આરોપીની પૂછપરછ માં મદદગારી અને મુખ્ય સૂત્રધાર જય કિરણ ભીખુ મહેતા.રે સરસિયા, લાલજી વિઠ્ઠલ માનપરા.રે સરસિયા, કિશોર મકન મહેતા. રે સરસિયા અને સાગર વીરજી પાટડીયાના નામ ખોલતા તેની અટક કરી કોર્ટમાં રજૂ કરવાની કાર્યવાહી હાથ ધરી હતી.
ફરાર આરોપીઓને પકડવાની તજવીજ શરૂ
બાદમાં વધુ પૂછપરછ કરતાં ગીદરડીમાં એક અને ભાણિયામાં પાંચ ચંદનના વૃક્ષ કાપી વેચાણ કર્યાની કબુલાત આપી હતી અને ૨૦૦ કિલો લાકડું જય કિરણ ભીખુ મહેતાના ઘરેથી વન વિભાગે કબજે કર્યું હતું ૩૨ કિલો ચંદનની છાલ, ૧ કોથળો ચંદન બાળલ છાલ, ૨ કાર,૧ બાઇક, ૭ મોબાઈલ, કોસ, છીની,કરવત, ચાકુ સહિત મુદ્દામાલ વન વિભાગે કબજે કર્યો હતો. તેમજ બાકીનું ચંદનનું લાકડું નડિયાદ તાલુકાના ચકલાસી ગામે ફરીદ ચાવડા કરીને ઇસમ હતો તેમને વેચ્યું હતું ત્યાં વન વિભાગ એ વધુ તપાસ હાથ ધરતા આરોપી ફરાર થઈ ગયો હતો અને પરંતુ તેમના ઘરેથી ચંદનના ૨૯૨ ટુકડા ઝડપીને વન વિભાગે સીલ કર્યા હતા અને આરોપી ફરીદ ચાવડાને ઝડપવા વન વિભાગ એ કાર્યવાહી હાથ ધરી છે